شیلان عارف دەستخۆشی لە بۆردی راگەیاندنی یەکێتی دەکات بۆ بڕیاری ڕاگرتنی هەواڵی کوشتن و توندوتیژی

شیلان عارف بریکاری وەزارەتی دادی هەرێم پەیامێك ئاراستەی بۆری راگەیاندنی یەکێتی دەکات

دوای بڵاوبونەوەی چەندین کەیسى گوشتنی خێزانی (کوشتنی بەکۆمەڵ) لە چەند ناوچەیەکی هەرێمی کوردستان بوەهۆی ترس و دڵەراوێکی زۆر نێو هاونیشتیمانیان و زیادبوونی توندوتیژی نێو خێزان و بەتایبەتیش بەهۆی رۆمالی زۆربەی کەنالە کوردیەکانەوە سات وبەساتی کوشتنەکەیان دەگواستەوە ، ئەمەش کاریکەری راستەوخۆی هەبوو لەسەر دەرونی تاکەکانی کۆمەلگا و بەشیوەیەك بۆتە چاولێکەری و لاسایکردنەوەی تاوانەکە .

جیگای خۆیەتی دەستخۆشیەکی تایبەت لە بۆردی راگەیاندنی یەکێتی نیشتیمانی کوردستان بکەم کە ئەم ئێوارە بریاریدا بە راگرتنی هەواڵەکانی کوشتن و توندتیژی و بەتایبەتیش ئەو هەواڵانەی باسی مەرگ و کوشتنی خێزانی و  هاوڵاتیان لە کوردستان دەکات لە کەناڵەکانی سەر بە مەکتەبی راگەیاندنی یەکێتی، ئەمەش خۆی لە خۆیدا بریارێکی حەکیمانەو بەرپرسیارانەیە ، چونکە ئەو کەیسانە خەریکە دەبێتە دیاردەیێکی مەترسیدار نێو کۆمەلگا .

هیوادارین دوای بریارەکەی بۆری راگەیاندنی یەکێتی کەناڵ و دەزگاکانی تری راگەیاندن بریارێکی لەو بابەتە بدەن بۆ ئەوەی ريژەی کوشتن و توندوتیژی لە کۆمەلگا بەرەو کەمبوونەوە بچێت .

دووبارە دەستخۆشیەکی زۆر بۆ بۆردی راگەیاندنی یەکێتی نیشتیمانی کوردستان و کەناڵەکانی سەر بە مەکتەبی راگەیاندن بۆ ئەم بریارە بوێرانەیە هەر سەربەرزبن .