ئەمڕۆ جارێكیتر ئەنجومەنی نوێنەرانی عیراق بۆ دەنگدان لەسەر بە پارێزگابوونی هەڵەبجە كۆدەبێتەوە، ئەمەش دوای زیاتر لە 12 ساڵ لە چاوەڕوانی هەڵەبجەیەكان بڕیاربوو شەوی رابردوو دانیشتنەكە ئەنجامبدرێت، بەڵام بەهۆی نەبوونی نیسابی یاساییەوە، ئەنجومەنەكە دانیشتنەكەی ئەنجامنەدا و دەنگدان لەسەر رەشنووسی یاسای دامەزراندنی پارێزگای هەڵەبجە بۆ ئەمڕۆ دواخرا.
ئێوارەی دوێنێ ئەنجومەنی نوێنەرانی عیراق دانیشتنی خۆی ئەنجامدا بۆ تاووتوێكردنی چەند پرسێك لەوانە دەنگدان لەسەر رەشنووسی یاسای دامەزراندنی پارێزگای هەڵەبجە، بەڵام بەهۆی نەبوونی نیسابی یاسایی و ئامادەبوونی تەنها 129 پەرلەمانتار دانیشتنەكە بۆ ئەمڕۆ دواخرا .
ڕۆژی 13ی ئاداری 2023، محەمەد شیاع سودانی سەرۆك وەزیرانی عیراق رایگەیاند، ئەنجومەنی وەزیران رەشنووسی یاسای دامەزراندنی پارێزگای هەڵەبجەی پەسەندكردو رەوانەی ئەنجومەنی نوێنەرانی كرد بۆ دەنگدان.بە دەنگی پەرلەمانتارانیش هەڵەبجە بەڕەسمی دەبێتە نۆزدەهەمین پارێزگای عیراق و چوارەمین پارێزگا لە هەرێمی كوردستان.
Copyright © 2020 Kirkuk Tv All Rights Reserved Designed And Developed By AVESTA GROUP