ئەمریکا سیستەمى بەرگرى پاتریۆت لەکۆریای باشورەوە بۆ رۆژهەڵاتی ناوەڕاست دەگوازێتەوە

جیهان
20:30 - 2025-04-04

ئەمریکا و کۆریای باشور لەسەر پلانێک ڕێککەوتون بۆ گواستنەوەی پاتریۆتی موشەکی پێشکەوتوی ئەمریکی لە رۆژهەڵاتی ئاسیاوە بۆ ڕۆژهەڵاتی ناوەڕاست بەشێوەیەکی کاتی، ئەوەش هەنگاوێکە کە پێدەچێت پەیوەندی بە هەڵمەتی سەربازییەوە هەبێت کە واشنتن سەرکردایەتی دەکات دژی حوسییەکان لە یەمەن .

ئاژانسی هەواڵی یۆنهاپی کۆریای باشور بڵاویکردەوە، هەردولا لە مانگی ڕابردوو گەیشتونەتە ڕێککەوتن لەسەر "جێگیرکردنی به‌شێك" لەو پاتریۆتانەی ئەمریکا بۆ ماوەی مانگێک، ئەوەش یەکەمجارە کەرەستەی سەربازی ئەمریکا لە کۆریای باشورەوە بگوازرێتەوە بۆ ناوچەیەکی ئۆپەراسیۆنەکانی دەرەوەی ئاسیا .

پاتریۆت لە کۆریای باشور وەک بەشێک لە سیستەمی بەرگری موشەکی بەکاردێت بۆ ڕوبەڕوبونەوەی هەڕەشە بالیستی و ئەتۆمییەکانی کۆریای باکور.
وەزیری بەرگری ئەمریکا ڕەزامەندی دەربڕیوە لەسەر گواستنەوەی دوو پاتری ئەو سیستەمە بۆ ڕۆژهەڵاتی ناوەڕاست .

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP