بازرگانی عیراق: ئەمساڵ تۆنێک گەنم بە 850 هەزار دینار لە جوتیاران وەردەگیرێت

نرخی وەرگرتنی گەنمی جوتیاران دیاریکراو بەگوێری نرخەکەشی ئەمساڵ تۆنێک گەنم بە 850 هەزار دینار لە جوتیاران وەردەگیرێت.
حەیدەر نوری گەرعاوی بەڕێوەبەری گشتی کۆمپانیای بارزگانی دانەوێڵە رایگەیاند: بۆ ئەمساڵ بڕی 850 هەزار دینار دەدرێتە هەر تۆنێک گەنم بۆ ئەو جوتیارانەی بەشێوازی سەردەمایانەی مەرەشە گەنمیان بەرهەمهێناوە و پارەکەشیان بۆ ئەمساڵ بەشێوازی ئەلیکترۆنی بۆ خەرجدەکرێت و کۆمپانیاکە کاردەکات لەسەر تەواوکردنی ماستەرکارد بۆ جوتیاران و دانانی کارمەند و ژمێریاری تایبەت بەخۆیان تا بەزووی پارەکەیان بۆ خەرجبکرێت.
وتیشی: دەستیانکردووە بە چۆڵکردنی گۆڕەپانەکانی کۆگاکردنی گەنم لە پارێزگاکانی کەرکوک و  سەماوە و میسان وەک ئامادەکارییەک بۆ وەرگرتنی گەنمی جوتیاران بۆ وەرزی دروێنەی ئەمساڵ.
بەوتەی حەیدەر گەرعاوی، دەستیانکردووە بەدابینکردنی سێیەمین بەشە ئاردی ئەمساڵ بۆ بریکارەکانی خۆراک، هەروەها بڕی ١٣٨ هەزار تۆن برنجی عەمبەر و یاسەمینیان وەرگرتووە کە لە ناوچەکانی باشوور بەرهەمهاتوە و بە یەکێک لەجۆرە نایابەکانی برنج دادەنرێت بەسەر بریکارەکانی خۆراکدا دابەشیدەکەن تا بدرێتە هاووڵاتیان.