پارێزگاری كه‌ركوك ئه‌ركی ژینگه‌پارێزان به‌رزده‌نرخێنێت

پارێزگاری كه‌ركوك له‌چوارچێوه‌ی سه‌ردانی و به‌سه‌ركردنه‌وه‌كانی، سه‌ردانی كرێكارانی ژینگه‌ پارێزی شاره‌وانی كردو هه‌وڵ و ماندوونیانی بۆ پاكراگرتن و پارێزگارییان له‌ ژینگه‌ی شاره‌كه‌ به‌رزنرخاند. 

ئه‌مڕۆ 6ی ئایاری 2025 رێبوار ته‌ها پارێزگاری كه‌ركوك کرێکارانی کەرتی یەکی شارەوانیی كەركوكی له‌كاتی جێبه‌جێكردنی ئه‌رك و كاره‌كانیان به‌سه‌ركرده‌وه‌و سه‌باره‌ت به‌ كێشه‌و گرفته‌كانیان گفتوگۆی له‌گه‌ڵ كردن.

پارێزگاری كه‌ركوك له‌ وته‌یه‌كیدا ستایشی هه‌وڵه‌كانی كارێكارانی ژینگه‌پارێزی كردو ماندوبوون و خزمەتكردنیان بۆ پاكراگرتنی ژینگه‌ی شاره‌كه‌ بەرزنرخاند.