گریماڵدۆ : شانازیە درێسى ریاڵ مەدرید لەبەربکەم

ئەلیخاندرۆ گریماڵدۆى ئیسپانى و یاریزانى هێڵى بەرگری یانەى بایەرلیفەرکوزنى ئەڵمانى لەدوای ئەزمونێکى گەورەو سەرکەوتوو لە بۆندس لیگا ، ئێستا و دوای 10 ساڵ ئامادەیە دەرگا بەڕووى هەردوو یانە زلهێزەکەى ئیسپانیا و جیهان ( ریاڵ مەدرید و بارسێلۆنا ) بکاتەوەو بگەڕێتەوە بۆ ووڵاتەکەى و درێسى یەکێک لەو دوو یانەیە بپۆشێت .
گریماڵدۆ لە تەمەنى 12 ساڵیدا پەیوەندى کرد بە ئەکادیمیاى یانەى بارسێلۆنا و تاکو ساڵى 2016 لە بارسا بوو ، دواتر ئەزمونێکى نوێى لەدەرەوەى وڵاتەکەى تاقی کردەوە بە ووتەى خۆى زۆر قورس بوو کاتێک خۆشەویست و ئازیزانت جێدەهێڵێت بەڵام کۆتاییەکەى زۆر شیرینە کاتێک هەست دەکەى بوویت بەو یاریزانەى کە ئێستا یانەیەکى گەورەى وەک ریاڵ مەدرید هەوڵدەدات یارى بۆبکەیت!  شانازى دەکەم کە پەیوەندیم لەگەڵ ریاڵ مەدرید هەیە ، هەموو یاریزانێک ئاواتە خوازە لە یانەیەکى گەورە یارى بکات .
لە ئێستادا گریماڵدۆ یەکێکە لە باشترین یاریزانەکانى هێڵى بەرگرى ، یاریزانەکە لە باڵى چەپ یارى دەکات و لە ژێر دەستى چاپی ئەلۆنسۆ گەشەى زۆرى کردو درەوشایەوەو ئێستاش کە ئەلۆنسۆ سەرپەرشتى ریاڵ مەدرید دەکات ئارەزوو دەکات ئەو بەرگریکارە بۆ پێکهاتەکەى زیادبکات .
لە بەرنامەى ئێلچیرینگیتۆى بەناوبانگ ، گریماڵدۆ قسەى کردو ڕوونى کردەوە کە یانەى بایەرلیفەرکوزن یانەیەکى گەورەو نایابە بەڵام خەونى من ئەوەیە بگەڕێمەوە بۆ ئیسپانیا و یارى بۆ یانەیەکى بەناوبانگ و زلهێزبکەم ، لەمیانى بەرنامەکە پرسیارى لێکرا دەتەوێت بۆ یانەى ریاڵ مەدرید یارى بکەیت ؟  گریماڵدۆش گوتى من دەمەوێت بۆ یانەیەکى گەورە یارى بکەم ئەگەر دەرفەتى ریاڵ مەدریدم بۆ دروست بوو هەوڵدەدەم لەدەستى نەدەم .
هەر لەو بەرنامەیەدا گریماڵدۆ ئاماژەى بۆ ئەوەکردوە سەرسام بووە بە تواناکانى لیونێل مێسى و مارسیلۆى بەرازیلى .
گریماڵدۆ ( 10) یارى بەدرێسى هەڵبژاردەى ئیسپانیایەوە کردوە ، لەماوەکانى رابردوش ئەوەى نەشاردۆتەوە کە حەزدەکات بگەڕێتەوە بۆ یانەکەى منداڵى کە ئەویش بارسێلۆنایە .