پارێزگارەكانی هەرێمی كوردستان لەگەڵ سەرۆك كۆماری ئێران كۆدەبنەوە

ئەمڕۆ پارێزگارەكانی هەرێمی كوردستان گەیشتنە تارانی پایتەختی كۆماری ئیسلامی ئێران و  بڕیاریشە لەگەڵ سەرۆككۆماری ئەو وڵاتە و پارێزگاری تاران و ژووری بازرگانی تاران كۆببنەوە.
وەفدەكەی هەرێمی كوردستان پێكهاتوون لە ئومێد خۆشناو پارێزگاری هەولێر، د.هەڤاڵ ئەبوبەكر پارێزگاری سلێمانی، عەلی تەتەر پارێزگاری دهۆك و نوخشە ناسیح پارێزگاری هەڵەبجە بە وەكالەت و وەفدێكی یاوەریان كە ماوەی  دوو رۆژە بە سەردانێكی رەسمی لە ئێرانن.
بڕیارە، ئەمڕۆ وەفدەكەی حكومەتی هەرێمی كوردستان، لەگەڵ مەسعود پزیشكیان سەرۆككۆماری ئیسلامی ئێران و پارێزگارانی كوردستان و ئازەربایجانی رۆژئاوا و كرماشان  كۆببنەوە، ئەمە جگە لەوەی لەگەڵ پارێزگاری تاران و ژووری بازرگانی تاران كۆدەبنەوە.