رياڵ مەدرید قەرزارى لۆکاس فاسکێزە

لۆکاس فاسکێز ئەو ئەستێرەیەى تۆپى پێى ئیسپانیا و ریاڵ مەدرید هەر چەندە کارى گەورەو موعجیزەئاسای پێشکەش بە ریاڵ مەدرید نەکرد بەڵام لە ڕووى دڵسۆزى و وەفا و جەنگاوەرى بۆهەمیشە ریاڵ مەدریدى قەرزاربارکردوە ، لۆکاس فاسکێز لەسەرەتاوە کەپەیوەندى بە کەتیبەکەى مەدریدەوە کرد هەمیشە وەک یاریزانى یەدەک یارى دەکرد و زێدان وەک جێگرەوە پشتى پێ دەبەست لەو قۆناغەدا شان بەشانى ئەسینسیۆ خێرایی هێرشبەریان زیادکرد و وەک هێزى فشارى زێدان دەردەکەوت .
لۆکاس فاسکێز یاریزانێکى ئاست بەرز و خاوەن بەهرەیەکى گەورەى تۆپى پێ نەبوو بەڵام هەرگیز کەمتەرخەمى نەکرد لەوەى پێ دەسپێردرا بەڵام ئیدى ئەوە هێز و تواناو تایبەت مەندیانە .
لەدواین رۆژەکانى ژیانى وەرزشى لە ریاڵ مەدرید ، لۆکاس فاسکیز قوربانى گەورەى دا لە پێناو درێسى یانەکەى ئەمەش وایکردوە کە رەخنەى گەورەى لێ بگیرێت ! بێ ئاگا لەوەى کە فاسکێز ئەرکێکى گەورەى جێبەجێکردو لە بەرخاترى خۆشەویستى بۆیانەکەى جێگۆرکێی بەشوێنى یاریکردنى قبوڵکرد ، بەدرێژایی مێژووى یاریکردنى فاسکێز وەک یاریزانى باڵى هێرشبەرى یارى دەکرد و چوار یاریزان لە پشتى ئەوەوە دەردەکەوتن لە پڕ هەموو شت گۆڕا لۆکاس فاسکێز کرا بە یاریزانى هێڵى بەرگرى ، ئەمەش وایکرد زۆر ناو و ناتۆرەى لێ بنرێت و بە خاڵى لاوازى یانەکە ناو ببرێت ، خودى یاریزانەکە ڕووبەرووى دۆخێکى قورسى دەرونى کرایەوە ئەو لە پێناو ئەوەى بۆشایی لە هێڵى بەرگرى یانەکە هەبوو قوربانى بەخۆى دا و ئەو جێگایەی قبوڵکرد بەڵام مەدریەکان ناهەقی بەرامبەر دەکەن ، لە بری دلسۆزیەکەى رق و جنێوى وەگرتەوە .
هەرچۆنێک بێت، ڤاسکێز یەکێکە لەو یاریزانانەی کە بەشداری لەگەڵ یانەکەی کردووە و ڕۆڵێکی ڕوونی هەبووە و شایەنی ئەو پێگە و چەپڵە لێدانە بوو کە لەلایەن هاندەرانەوە لە بێرنابێۆ پێشکەشى کرا .

ئاکۆ بیبانى