بایرن میونشین جۆناسان تای گواستەوە ریزەکانى

جۆناسان تا ، هەموو ئۆڤەر و گرێبەستەکان کە لە ئۆفیسە جیاجیاکانى ئەوروپاوە بۆى پێشنیازکرابوو ، وەلاى ناو رازى بوونى بەخشى بە یانەى بایرن میونشینى ئەڵمانى و ئامادەیی نیشاندا ببێت بەجەنگاوەرى نویى باڤارییەکان و هەموو ئەو تاقیکردنەوەو ئەزمونانەى پێى گەیشتوە بیکاتە خزمەتى یانەى بایرن میونیشینى ئەڵمانیەوە .
یانە باڤارییەکە دەمێکە وێڵى بەدوای بەرگریکارێکى لێهاتوو ، بە ئەزمون ، خێرا ، رۆحى فیداکارى ، دواجاریش هەموو ئەم سیفاتانەى لە جۆناسان تاى ئەڵمانى و بەرگریکارى یانەى بایەر لیفەرکوزنى ئەڵمانى دۆزیەوەو سەرکەوتوو بوو لەوەى قایلى بکات درێسى یانە ئەڵمانیەکە بپۆشێت ، گرێبەستەکەى جۆناسان تا تاکو ( 30 ) حوزەیرانى ساڵى ( 2029 ) دەبێت و بە شێوازى بێبەرامبەر دەبێت .
جۆناسان پارساڵ پایەیەکى بەهێزى کەتیبەکەى چاپى ئەلۆنسۆ بوو بۆبردنەوەى نازناوى بۆندس لیگا ، ئەمەش وایکرد یاریزانە ( 29 ) ساڵانەکە وەک یەکێک لە باشترین بەرگریکارانى خولى ئەڵمانى بناسێرێت .
جۆناسان تا لە شارى هامبۆرگ لەدایک بووە ، سەرەتا لە تەمەنى 13 ساڵیدا لە ئەکادیمیاى هامبۆرگ دەستیپێکرد و پاشان لە ساڵى 2017 یەکەمین یارى رەسمى خۆى بۆ یانەکەى کرد و لەو کاتەدا بووە بچوکترین یاریزانى یانەى هامبۆرگ، دوای یەک وەرز 20 یاری ئەنجامدا، پاشان بە خواستن ڕووی لە یانەی فۆرتونا دوسێلدۆرف کرد بۆ وەرزی 2014-2015،دواتر لە هاوینی 2015 پەیوەندی بە یانەی بایەر لیڤەرکوزنەوە کرد، لەوێش  402 یاری ئەنجامدا و 18 گۆڵی تۆمارکرد و 13 ئەسیستیشی بۆ هاوڕێکانى کرد.
جۆناسان تا،  لە ئازاری ٢٠١٦ یەکەم یاری بۆ هەڵبژاردەى ئەڵمانیا ئەنجامدا و لەو کاتەوە ٣٥ یاری نێودەوڵەتى بۆ مانشافت کردوە ، لە یۆرۆی ٢٠١٦ و یۆرۆی ٢٠٢٤ بەشداریکردوە ، پێشتریش کاپتنی هەڵبژاردەکانی ئەڵمانیای خوار ١٩ ساڵ و خوار ٢١ ساڵ بووە.

ئاکۆ بیبانى