5 ئەستێرەى عێراق بەرامبەر کۆریاى باشوور دوورخراونەتەوە

هەڵبژاردەى عێراق لە یارییە چارەنوس سازەکەى بەرامبەر بە هەڵبژاردەى کۆریاى باشوور لەبەردەم ئاڵنگارییەکى قورس و دژواردایە ، عێراقییەکان دەیانەوێت بە بەدەستهێنانى سێ خاڵى ئەو یارییە هیواکانیان زیندوو بکەنەوە بۆ گەیشتن بە دوا یارییەکانى جامى جیهانى 2026 .
هەڵبژاردەى عێراق یەکەم یارى رەسمى خۆى لە ژێر سەرپەرشتى گراهام ئارنۆڵدى ئستورالى ئەنجام دەدات کە یەکەمین راهێنەرى ئستورالیایە لە 82 ساڵى رابردوو ئەو پۆستەى وەرگرتبێت ، لەبەختى ئارنۆڵد بۆ ئەو یارییە چەند ئەستێرەیەکى دیارى پێکهاتەى عێراق ناتوانن بەشدارى بکەن و راهێنەر دەبێت بە دوای جێگرەوەدا بگەڕێت ، یەکێکێک لە کاریگەرترین ئەستێرەکانى کە ئەیمەن حوسێنە بەهۆى وەرگرتنى کارتە رەنگاو رەنگەکانەوە ناتوانێت بەشدارى بکات  ، رێبین سولاقاى یاریزانى هێڵى بەرگریش بەهەمان شێوەى ئەیمەن بەهۆى کۆبونەوەى کارتە رەنگاو رەنگەکان بەشداری ئەو یارییە ناکات .
بەدەر لەو دوو یاریزانە، سێ یاریزانى دیکەش بە هۆى پێکانەوە دوورخراونەتەوە ـ کەئەوانیش ( مستەفا سەعدون و زێدان ئیقبال و منتەزر ماجد ) ن .
راهێنەرى هەڵبژاردەى عێراق بەر لە چەند رۆژێک لیستێکى بڵاوکردەوە کە ناوى ئەو یاریزانانە بوو کە بانگێشتى ریزى هەڵبژاردەکە کراون ، هیچ گۆڕانکارییەکى جەوهەرى لە پێکهاتەکەی خیسۆس کاساسى دوورخراوە بەدى نەکرا .