گەنجێكی عیراقی كەلێنێكی ئەلیكترۆنی لە پێگەی فەیسبوك ئاشكرا دەكات

سەنتەری راگەیاندنی ژمارەیی لە عیراق رایگەیاند، دوای ئاشكراكردنی كەلێنێك لە پێگەی ئەلیكترۆنی فەیسبووك لەلایەن گەنجێكی عیراقییەوە، كۆمپانیاكە ناوی ئەو گەنجە لە لیستی ئەو كەسانەدا تۆماردەكات، كە سوپاسیان دەكات و بڕی 4 هەزار دۆلاریش خەڵاتی دەكات .

سەنتەرەكە لە راگەیەنراوێكیدا، ئاماژەی بەوەكردوە، موئمەل ئەحمەد شەكیر، ئەو گەنجە عیراقییە كە بۆ كۆمپانیای فەیسبوكی ئاشكرا كردوە، لە پێگەی فەیسبوكدا كەلێنێكی ئەلیكترۆنی بوونی هەیە و وادەكات، لەكاتی هاك كردندا، بە ئاسانی ناسنامەی ئەو كەسانە بزانرێت كە سەرپەرشتی، لاپەڕەكانی فەیسبوك دەكەن و ئەوەش هاك كردن ئاسان دەكات .

موئمەل ئەحمەد شەكیر، رایگەیاندوە، دوای ئاشكراكردنی ئەو كێشەیەو راگەیاندنی بە كۆمپانیای فەیسبوك، كۆمپانیاكە ئەو كێشەیەی چارەسەركردوە و سوپاسی كردوە و بڕی 4 هەزار دۆلاریش خەڵاتی كردوە .