تەندروستی جیهانی: ئۆمیكرۆن دوا جۆری ڤایرۆسی كۆرۆنا نابێت

تیدرۆس ئەدهانۆم، بەڕێوەبەری گشتیی رێكخراوی تەندروستیی جیهانی رایگەیاند، ئۆمیكرۆن دوا جۆری گۆڕاوی ڤایرۆسی كۆرۆنا نابێت و، ڤایرۆسەكە بەردەوامە لە “گەشەسەندن”.

وتیشی:" لە سەرەتای سەرهەڵدانی كۆرۆناوە تا ئێستا، هەفتەی رابردوو بەرزترین ژمارەی حاڵەتی تووشبوون بەئۆمیكرۆن تۆمار كراوە.

ئاشكراشیكرد:" ئۆمیكرۆن، بەراورد بە جۆری دەلتا، بەسووكی تووشی ئەو كەسانە دەبێت كە ڤاكسینیان وەرگرتووەو، سەرەڕای ئەمەش، ناتوانرێت وەكو جۆرێكی “سووك” پۆلێن بكرێت.

ئاماژەی بەوەشكرد: “هەروەكو جۆرەكانی پێشوو، ئۆمیكرۆن مرۆڤەكان نەخۆش دەخات و دەیانكوژێت،  ئۆمیكرۆن كاریگەریی سۆنامی درووستدەكات و،  زۆر بە خێرایی بڵاودەبێتەوەو فشارێكی گەورە بۆ سەر سیستمی تەندروستیی جیهان درووست دەكات.