پارێزگاریکردنە کاری پارێزگار

پێشووتر چیمان بینی، جگە لە جیاوازی و کوتلەکاری و لایەنگریی و قۆرخکاری و لابەلایی و گەندەڵی و وەلانان؟

بۆ ئێمەی نەتەوەی کورد دامەزراندن نەبوو 

دادپەروەریی لە ئیدارەو پێگەو پۆستەکاندا نەبوو

خزمەتگوزاری و گرنگیدان بە خزمەتگوزاریی نەبوو

ئیدارەی پێشووتری پارێزگای کەرکوک هیچی نەهێشتووەتەوە بۆمان، تا بڵێن ئەشەدوو ئەمەیان دروستبوو و ئەم کارەیان شایەنی پیاهەڵدانە 

هەرخۆی کارەکان هەموو لادان و تێهەڵدانبوو لە یەکسانی و پێکەوەیی و دادپەروەریی.

چییمانبینی لە پارێزگار؟

جوانیی، یەکسانیی، ئاشتی و پێکەوەیی، گرنگیدان و خزمەتکردن، دڵسۆزیی و خەمخۆریی

کاتێک دەبینین گەنجێکی کوردی کەرکوکیی ئازایانەو چاونەترس و بوێرانە قۆڵی بەرپرسیارییەتی لێ هەڵکردووە، دڵخۆشدەبین، شانازیی دەکەین ئێمە خاوەن پارێزگارێکین لە شارەکەماندا کە ئەرکی پارێزگاریکردن و پاراستنی بەها پیرۆزو باڵاکانە

درێژەپێدەری ڕێبازە پیرۆزو باڵاکەی سەرۆک مام جەلال و یەکێتی نیشتیمانیی کوردستانە

دەرخەرو سەلمێنەری ڕوئیاو دیدو ئامانجەکەی حزبی شەهیدانە. 

 کاک ڕێبوار تەها پارێزگاری کەرکوک لە سەرەتای دەستبەکاربوونیەوە، کارو خزمەت و دڵسۆزییەکانی لە سەروو بەرژەوەندییەکانەوە داناوە،

ڕێبوارانە ڕێگای هەقیقەت و دادپەروەریی و یەکسانیی گرووەتەبەرو، ئەرکی سەرشانی بەجۆرێکە کە تەنیاو تەنیا بیرکردنەوەی خەمی ئاوەدانکردنەوەو نازپێدانە بەو کەرکوکەی، کە لە ماوەی ڕابردوودا هیچکام لەم جوانییانەی بەخۆوە نەبینیوە

ئەو کەرکوکەی کە تینووی گرنگیپێدان و پێکەوەیی و بووژاندنەوەیە 

ئێستا لەژێر چەترێکی تۆکمەو لە سایەی سیاسەتی گەنجێکدا، کەرکوک پارێزراوە

چیتر جەستەی نیشتیمانی کەرکوک تووشی دەردەسەریی و دەردی کوشندەی ڤایرۆسی سیاسی نابێت.

ئیدی جەستەی ئەم خاکە خێرلەخۆ نەدیوە خوێنی بێئومێدیی و بێخاوەنیی لێ ناتکێ.