نەخۆشێك لەبری پارە هێلكەی كوردی بۆ پزیشكێك دەبات

نەخۆشێك لە قەزای كەلار لەبری پارە، هێلكەی كوردی بۆ ئەو پزیشكە دەبات كەچارەسەری بۆ دەنوسێت.

پزیشكێك لە كەلار كە نەیویستووە ناوی بڵاوبكاتەوە، رایگەیاندووە، نەخۆشێك هاتۆتە لام و لەگەڵ خۆی یەك سەتڵ هێلكەی كوردی پێبوو، منیش پێم وت ئەو سەتڵە چییە پێت، نەخۆشەكەش وتی، پارەم نیەو لەبری پارە ئەو هێلكانەمان لەماڵەوە هەبوو و بۆم هێناویت.

پزیشكەكە وتوشیەتی: دوای گفتوگۆیەكی زۆر كە من نەمویست هیچ شێتكی لێوەربگرم، بەڵام نەخۆشەكە وای پێخۆشبوو، بۆیە بەخۆشحاڵیەوە هێلكەكانم لێوەرگرت و بەڵێنیشم پێدا كە بە ووردی چاودێری بكەم تا چاك دەبێتەوە.