لە ماوەی سێ ساڵدا ٦٧٤ هاوڵاتی لە عەفرین كوژراون

بەگوێرەی  راگەیەنراوێكی رێكخراوی مافەكانی مرۆڤ لە عەفرین، لە ساڵی ٢٠١٨ و دوای دەستبەسەراگرتنی عەفرین لەلایەن توركیاوە ٦٧٤ هاوڵاتی كوژراون و ٧ هەزار و ٣٤٣ كەسی دیكەش رفێنراون و چارەنووسیان نادیارە، هەر لەماوەی ئەو ٣ ساڵەدا ٨٢ هاوڵاتیش لەژێر ئەشكەنجەدا كوژراون و ٦٩٦ هاوڵاتیش بەهۆی تۆپبارانەكانەوە برینداربوون.

لە بەشێكی دیكەی راگەیەنراوەكەدا هاتووە، زیاتر لە ٣٠٠ هەزار هاوڵاتی عەفرین بەهۆی داگیركاریی و پەلامارەكانی گروپەكانی نزیك لە توركیا ئاوارەبوون، و  لە جێگەی ئەوان نزیكەی ٤٠٠ هەزار خەڵكی هەرێمەكانی تری سوریا لە عەفرین نیشتەجێكراون.

رێكخراوی مافەكانی مرۆڤ لە عەفرین راشیگەیاندووە، لە چواچێوەی گۆڕینی دیمۆگرافی ناوچەكانی عەفرین، هاوڵاتیانیش ناچاركراون ناسنامەی توركی دەربكەن.