وته‌بێژی ره‌سمی حكومه‌تی عیراق ئاشكرای كرد، كۆمسیۆنی
باڵای سه‌ربه‌خۆی هه‌ڵبژاردنه‌كان بۆ هاوكاری ته‌كنیكی داوای دواخستنی هه‌ڵبژاردنی
پێشوه‌ختی له ئه‌نجومه‌نی وه‌زیران كردوه.
ئێواره‌ی ئه‌مڕۆ 19-1-2021، حه‌سه‌ن نازم وته‌بێژی
ره‌سمی حكومه‌تی عیراق له كۆنگره‌یه‌كی رۆژنامه‌نووسیدا له شاری به‌غدا رایگه‌یاند:
دواخستنی واده‌ی هه‌ڵبژاردنی پێشوه‌خت به‌لای حكومه‌ته‌وه بابه‌تێكی هه‌ستیاره،
بۆیه گفتوگۆی ته‌واوی له‌سه‌ر كراوه.
وتیشی: كۆمسیۆنی باڵای هه‌ڵبژاردنه‌كانی عیراق
بۆ هاوكاری ته‌كنیكی داوای دواخستنی هه‌ڵبژاردنی پێشوه‌ختی كردووه، بۆیه وه‌ك
حكومه‌ت كاری جددی ده‌كه‌ین بۆ هاوكاری و پشتگیركردنی كۆمسیۆن بۆ سه‌رخستنی هه‌ڵبژاردنه‌كان
به‌شێوه‌یه‌كی پاك و بێگه‌رد.
ئاماژه‌ی به‌وه‌شدا، له كۆبوونه‌وه‌ی ئه‌مڕۆی
ئه‌نجومه‌نی وه‌زیراندا دوای گفتوگۆیه‌كی زۆر بڕیاری دواخستنی واده‌ی هه‌ڵبژاردنی
پێشوه‌خت درا، كه بڕیاردرا ئه‌نجامدانی هه‌ڵبژاردنه‌كه بخرێته رۆژی 10ی تشرینی یه‌كه‌می
2021.ی تشرینی یه‌كه‌می 2021.
 copy.jpg)
Copyright © 2020 Kirkuk Tv All Rights Reserved Designed And Developed By AVESTA GROUP