هەولێر.. چەند چەكدارێك هێرشدەكەنە سەر چالاكوانێك

لە شاری هەولێر چەند كەسێك هێرش دەكەنە سەر چالاكوانێك بە سەختی برینداری دەكەن .

شەوی رابردوو، لەكاتی چوونە دەرەوەی لە ماڵەوە، هاوڕێ كوردی، چالاكوانی دیاری دانیشتوی شاری هەولێر، لەلایەن دوو كەسی چەكدارەوە هێرشی كراوەتەسەر و بە توندیی ئەشكەنجە دراوە.

بەپێی زانیارییەكان: چەكدارەكان جلی مەدەنییان لەبەردا بووە و ئۆتۆمبێلێكی جۆری بی ئێم دەبلیۆیان پێبووە، دوای ئەوەی لە چالاكوانەكەیان داوە، مۆبایل و جزدانی پارەو پێناسی كەسییشیان بردووە و پێیان وتووە، "واز لە زماندرێژیی بهێنێت".

ماوەیەكە، پێشێلكاریی ئەمنی و هێرشی چەكداری بۆ سەر هاوڵاتیان لەهەولێر رووی لە زیادبوون كردوە و تادێت هاوڵاتیان لەو دۆخە زیاتر بێزار دەبن .