داعش بەشێوەیەكی ترسناك پەلاماری ئەبوغرێب دەدات

شەوی رابردوو تیرۆریستانی داعش پەلاماری سوپای عێراقیان لە ناوچەی ئەبوغرێب داو بۆ ماوەی چەند سەعاتێك شەڕو روبەڕووبونەوەی راستەوخۆ رویداوە.

عەمید یەحیا زوبێدی وتەبێژ بەناوی ئۆپەراسیۆنە هاوبەشەكانی عێراق رایگەیاند: بەهاوكاری دەزگای دژەتیرۆرو فڕۆكەكانی سوپا، توانرا بەرپەرچی پەلامارەكەی داعش لەناوچەی ئەبوغرێب بدەینەوە.

سەرچاوەیەكی ئەمنیش رایگەیاند: شەش گروپی داعش پەلاماری بارەگای لیوای 24ی سوپای عێراقیان داو هەروەها نوسینگەی گومركی ناوچەكەیان سوتاندووە لەگەڵ دەستبەسەراگرتنی كۆمەڵگای كۆگاكان.

وتیشی: دوای شەڕێكی سەخت هێزە ئەمنییەكانی عێراق توانییان بەرپەرچی پەلامارەكەی داعش بدەنەوەو ناچار بە پاشەكشەیان بكەن.
بە وتەی سەرچاوە ئەمنییەكە: لەو پەلامارەدا 10 چەكداری داعش و 10 سەربازی سوپا كوژراون كە لە نێویاندا دوو ئەفسەر هەن.