ئه‌مساڵش عیراق له‌ ریزی وڵاته‌ گه‌نده‌ڵه‌ عه‌ره‌بییه‌كان تۆمار كرا

ئه‌مساڵش هه‌روه‌ك ساڵی رابردو، عێراق له‌ ریزی ئه‌و وڵاته‌ گه‌نده‌ڵه‌ عه‌ره‌بیانه‌دایه‌ كه‌ زۆرترین گه‌نده‌ڵییان تێدا ئه‌نجامده‌درێت.
له‌و باره‌یه‌وه‌ رێكخراوی شه‌فافیه‌تی جیهانیی، له‌ راپۆرتێكدا، ئاماژه‌ی بۆئه‌وه‌كردوه‌، كه‌ عێراق له‌ لیستی گه‌نده‌ڵترین وڵاتانی جیهاندا پله‌ی 160هه‌مینی گرتوه‌، له‌سه‌رئاستی عه‌ره‌بیش، عێراق له‌ پله‌ی شه‌شه‌مین دایه‌.

راپۆرته‌كه‌ی شه‌فافیه‌تی جیهانیی، ناوی هه‌ریه‌ك له‌ وڵاته‌ عه‌ره‌بییه‌كانی وه‌ك لیبیا، سودان، یه‌مه‌ن، سوریاو سۆماڵ)ی وه‌ك وڵاتانی گه‌نده‌ڵ تۆماركردوه‌.
هه‌ر به‌گوێره‌ی ڕاپۆرته‌كه‌ی شه‌فافیه‌تی جیهانیی هه‌ریه‌كه‌ له‌نیوزله‌نداو دانیمارك له‌پله‌ی پێشه‌وه‌ی ئه‌و وڵاتانه‌دان كه‌ كه‌مترین ئاستی گه‌نده‌ڵییان تێدا تۆماركراوه‌.