وه‌زاره‌تی پلاندانانی عیراق: هیچ رێككه‌وتنێك نییه‌ بۆ ده‌ستكاریكردنی به‌های فرۆشی دۆلار

وه‌زاره‌تی پلاندانانی عیراق ڕوونكردنه‌وه‌ له‌باره‌ی دابه‌زاندنی به‌های دۆلاری ئه‌مریكی به‌رامبه‌ر دیناری عیراقی ده‌دات و ده‌ڵێت تا ئێستا هییچ ڕێككه‌وتنێك نییه‌.
ماهر حه‌ماد، بریكاری وه‌زاره‌تی پلاندانانی عیراق ڕایگه‌یاندووه‌: تا ئێستا ڕێككه‌وتن له‌نێوان ئه‌نجومه‌نی وه‌زیران و بانكی ناوه‌ندی عیراقدا نه‌كراوه‌ بۆ ئه‌وه‌ی به‌های دۆلاری ئه‌مریكی به‌رامبه‌ر دراوی وڵات داببه‌زێندرێت و سه‌رۆك وه‌زیرانیش ڕێككاری دیكه‌ی گرتووه‌ته‌ به‌ر.
ئاماژه‌ی به‌وه‌شكرد: محه‌مه‌د شیاع سودانی سه‌رۆك وه‌زیرانی عیراق چه‌ند كارێكی وه‌ك زیادكردنی ماده‌كانی به‌شه‌خۆراكی مانگانه‌و ڕه‌خساندنی هه‌لیكارو یارمه‌تیدانی هه‌ژارانی خستووه‌ته‌ بواری جێبه‌جێكردنه‌وه‌ وه‌ك قه‌ره‌بوویه‌ك بۆ لێككه‌وته‌ خراپه‌كانی به‌رزیی به‌های دۆلار.