لەیادی (48) ساڵەی دامەزراندنی یەكێتیی نیشتمانیی كوردستاندا وێڕای ناردنی دروود و وەفا بۆ گیانی پاکی شەهیدان، هاوکات گەرمترین پیرۆزبایی لە كادیر و ئەندام و لایەنگر و جەماوەری یەكێتیی و کەسوکاری سەربەرزی شەهیدان و سەرجەم هاووڵاتییانی كوردستان دەکەین
(48) ساڵ لەمەوبەر و لە 1-6ی ساڵی (1975)دا لەسەر دەستی رەوانشاد سەرۆک (مام جەلال)و پۆلێک لە هاوڕێی و هەڤاڵانی یەكێتیی نیشتمانیی كوردستان لە بارودۆخێکی ئێجگار ناسەقامگیر و دژواری ئەوێ رۆژێی کوردستان،یەکێتیی نشتمانیی کوردستان دامەزرا ، ئێستاش یەکێتیی لە سەر هەمان بنەما و پرەنسیپ بەردەوامە لە خەبات و تێکۆشان تا گەیشتن بە ئامانجە رەواكانی خەڵکی كوردستان. لەو پێناوەشدا زۆترین شەهیدی بە کوردستان بەخشیوە.
یەكێتیی نیشتمانیی كوردستان دوای نسكۆ هیوای بەخشییەوە و شۆڕشی نوێی كوردایەتی هەڵگیرساندەوە،بە بڕوایەكی نەگۆڕ لەپێناو مافی چارەی خۆنووسین دا خەباتی كرد و تاوەکو گەیشتن بە دوا ئامانجیش بۆ هەموو قوربانیدانێك ئامادەیە.
یەکێتیی چۆن لە رووبەڕووبوونەوەی رژێمی بەعسی دیكتاتۆردا پێشڕەو بووە، لەقۆناغی پێکھێنانی حکومەت و بونیادنانی ئەزموونی ھەرێم ئەندازیار بووە. لە شەڕی دژە تیرۆریش دا لە باشووری کوردستانەوە تاوەکو رۆژئاوا بەشدار و تێکشێکنەری مەرامەکانیان بوو. ئەمڕۆش ھەر لەپێناو ئایندەی كوردستاندا سەرمەشقی کاروانی خەبات دەبێت .
یەكێتیی نیشتمانیی کوردستا بروای تەواوی بە توانای ژنان، مامۆستایان، پیشەوەر، فەرمانبەران، سەرمایەدار و بازرگان، كاسبكاران، گەنجان و پێگەیشتووانی ئەم گەلە هەیە و پشتیوانی سەرجەم چین و توێژێک دەکەین تاوەکو باری لاری سەرشانی جەماوەری گەلی كوردستان ڕاست بكەینەوە و بێ دوودڵی هەنگاو بەرەو سەركەوتن دەنێین.
کەرکوک و ناوچە کوردستانیەکانی دەرەوەی ئیدارەی هەرێمی کوردستان ، لە لای یەکێتیی لە ئەولەوێتیی کارەکانێتیی و بە هەموو توانایەکەوە وەک چۆن لە رابردوو خەباتی بۆ کردەوەو بەشێکی زۆری فەرماندەو سەرکردەکانمان لەو پێناوە کردۆتە قوربانی لە داهاتووشدا بە هەمان شێوە بەردەوام ئەبێت و لە رێگەی خەباتی سیاسی و پەرلەمانیەوە سازش لەسەر بستێکی خاکی کوردستان ناکات.
یەکێتیی نیشتمانی کوردستان کەسی لێ زیاد نیەو ماڵی هەموو تێکۆشەرێکە،هەمیشە دەرگامان کراوەیە بۆ هەر دۆست و دڵسۆزێك كە بیەوێت لە رێی یەكێتییەوە خزمەتی نیشتمانەكەمان بکات.
بەرز و پیرۆز بێت یادی (48) ساڵەی دامەزراندنی حزبی شەهیدان....
مەڵبەندی (17)ی ڕێکخستنی ڕۆژئاوای کەرکوك.
Copyright © 2020 Kirkuk Tv All Rights Reserved Designed And Developed By AVESTA GROUP