زیلینسكی: له‌ هه‌موو به‌ره‌كانی روبه‌ڕوبوونه‌وه‌ شه‌ڕی سه‌خت هه‌یه‌

ڤۆلۆدیمێر زیلینسكی سه‌رۆكی ئۆكرانیا دانی به‌وه‌دانا، هێزه‌كانی وڵاته‌كه‌ی له‌ به‌ره‌نگاربوونه‌وه‌ی هێزه‌كانی روسیا رووبه‌رووی شه‌ڕێكی سه‌خت بوونه‌ته‌وه‌، به‌ڵام له‌گه‌ڵئه‌وه‌شدا باڵاده‌ستن.
زیلینسكی له‌ تۆمارێكی ڤیدیۆیدا رایگه‌یاند، روسه‌كان به‌ هه‌موو هه‌وڵیان ده‌یانه‌وێت سه‌ربازه‌كانیان رابگرن و شه‌ڕ له‌ هه‌موو به‌ره‌كان سه‌خته‌، به‌ڵام دوژمن هه‌رچییه‌ك بكات هێزی وڵاته‌كه‌ی باڵاده‌سته‌.
ئۆكرانیا ین له‌ مانگی حوزه‌یرانه‌وه‌ هێرشی پێچه‌وانه‌ی بۆ رزگاركردنی خاكه‌كه‌ی له‌ژێر ده‌ستی روسیا ده‌ستپێكردووه‌و له‌ ناوچه‌كانی رۆژهه‌ڵاتی وڵاته‌كه‌و محیوه‌ری باشور شه‌ڕی سه‌خت به‌رده‌وامه‌.