31 ئاب و خیانه‌ته‌كانی هاوسه‌رگیری یاریزانان
ئاكۆ بیبانی
31ئاب رۆژی ڕه‌شی خیانه‌ته‌و له‌م رۆژه‌دا په‌رده له‌سه‌ر چه‌ند خیانه‌تێكی وه‌رزشی له‌سه‌ر ئاستی جیهان لاده‌به‌ین ، خیانه‌تێكی گه‌وره‌و ئابروبه‌ر به‌ناوی جۆن تیری ئینگلیزی و ئه‌ستێره‌ی یانه‌ی چێڵسی له‌نده‌نیه‌وه تۆماركراوه، كاتێك خیانه‌تی له واین بریجی به‌رگریكاری هاوڕی كرد له یانه‌ی بلوز و ژێر به ژێر له‌گه‌ڵ خۆشه‌ویسته‌كه‌ی بریجی یاریزان په‌یوه‌ندی سۆزداری دروست كرد.. به‌و هۆیه‌شه‌وه تیری به‌رگریكار له ریزی هه‌ڵبژارده‌ی ئینگلته‌را هێمای كاپتنی لێ وه‌رگیرایه‌وه‌و واین بریجیش ریزه‌كانی یانه‌ی چێڵسی به‌جێهێشت ، چیرۆكی خیانه‌ته‌كه‌ی ماورۆ ئیكاردی و واندا نارای هاوسه‌ری ماكسی لۆپێز ، یه‌كێكه له چیرۆكی ناپاكییه‌كانی ناو یاریزانانی تۆپی پێ ، كاتێك ماورۆ ئیكاردی هاورێی ماكسی لۆپێز ده‌بێت و واندا ناراش به‌رێوبه‌ری كاره‌كانێتی ، له‌دوای ماوه‌یه‌ك و بانگێشتكردنی ماورۆ ئیكاردی له لایه‌ن ماكسی لۆپێز و به‌سه‌ربردنی پشویه‌ك له یه‌خته‌كه‌یان ، له‌و ده‌مه‌دا هاوسه‌ره‌كه‌ی داوای جیابونه‌وه‌ی لێكرد و په‌یوه‌ندی سۆزداری له گه‌ڵ ئیكاردی دروستكرد به‌مه‌ش ماكسی و واندا جیابونه‌وه له‌و كاته‌شه‌وه لۆپێز ئاماده‌نه‌بووه له بۆنه‌كاندا ته‌وقه له‌گه‌ڵ ئیكاردی بكات .
خراپترین و قورس ترین و قێزه‌ونترین خیانه‌تی ناپاكی له‌نێوان رایان گیگز و براكه‌یدا نوسراوه‌ته‌وه! كاتێك بۆ ماوه‌ی هه‌شت ساڵی ته‌واو یاریزانه ویڵزییه‌كه په‌یوه‌ندی سێكسی له‌گه‌ڵ هاوسه‌ری براكه‌یدا هه‌بووه ، ئه‌مه‌ش به پیسترین ناپاكی نێو ئه‌ستێره‌كان ئه‌ژمارده‌كرێت .
فرانك ریبیری و ئه‌ستێره‌ی پێشووی هه‌ڵبژارده‌ی ئه‌ڵمانیا ناوی وه‌ك خیانه‌تكاری سۆزداری تۆماركراوه كاتێك خیانه‌تی له‌هاوسه‌ره‌كه‌ی كرد و په‌یوه‌ندی سۆزداری له‌گه‌ڵ كچێكی ته‌مه‌ن 16 ساڵدا دروستكرد ، كه ئه‌مه‌ش به ته‌واوی پێچه‌وانه‌ی یاساكانی ئه‌وروپایه
كۆرتواو دی برۆین ئه‌وانیش خاوه‌نی چیرۆكێكی تایبه‌ت به ناپاكین ، كاتێك كچه هاوڕێكه‌ی كیفن دی برۆین خیانه‌تی لێكرد و په‌یوه‌ندی سۆزداری له‌گه‌ڵ تیپۆ كۆرتوا دروست كرد كه ئه‌وكات گۆلپیارێزی یانه‌ی ئه‌تله‌تیكۆمه‌درد بوو ، هه‌ر چه‌نده دواتر په‌یوه‌ندیه‌كه‌یان كۆتایی هات و گه‌ڕایه‌وه بۆ لای دبرۆین .
Copyright © 2020 Kirkuk Tv All Rights Reserved Designed And Developed By AVESTA GROUP
