چابی ئەلۆنسۆ دەبێت شوێنگرەوەی كلۆپ؟

لە ئێستاوە ئیدارەی یانەی لیڤەرپولی ئینگلیزی بە دوای جێگرەوەی یۆرگن كلۆپی راهێنەریانەوە وێڵن كە پێشبینی دەكرێت ئەو راهێنەرە ئەڵمانیە ئەركی مەشقدانەوەی هەڵبژاردەی ووڵاتەكەی لە ئەستۆ بگرێت.. رۆژنامەی بێڵدی ئەڵمانی ئاشكرای دەكات، رێكەوتنێكی نهێنی لە نێوان یەكێتی تۆپی پێی ئەڵمانیا و یۆرگن كلۆپی راهێنەری یانەی ریدز ئەنجامدراوە تا بۆ قۆناغی داهاتوو كلۆپی راهێنەر ئەركی مەشقدانەوەی مانشافت لە ئەستۆ بگرێت.. بێڵد ئەوەشی ئاشكرا كردوە كە ئیدارەی یانەی لیڤەرپول لەسەر هێڵن بۆ سپاردنی ئەركی مەشقدانەوەی تیپەكەیان بە چابی ئەڵۆنسۆی ئیسپانی و راهێنەری ئێستای یانەی بایر لیڤەركوزن، بەپێی سەرچاوە هەواڵیەكان بێت یانەی ریدز ئامانجی ئەوەیە ئەڵۆنسۆ بكات بە جێگرەوەی یۆركن كلۆپ، ئەم هەوڵەی یانە ئینگلیزیەكە لە كاتێكدایە بەپێی رێكەوتنەكەی نێوان ئەڵۆنسۆی راهێنەر و یانەكەیدا بێت، لە كۆتایی ئەم وەرزەدا ئەو راهێنەرە ئیسپاینە سەربەست دەبێت لە جێهێشتنی ئەركی راهێنانی یانەی بایرن لیڤەركوزنی ئەڵمانی