عیـراق زیاتر له‌ حه‌وت ملیۆن به‌رمیل نه‌وتی هه‌نارده‌ی ئه‌مریكا كردووه‌

ئیداره‌ی زانیاریی وزه‌ی ئه‌مریكی بڵاویكرده‌وه‌، له‌ مانگی تشرینی یه‌كه‌می ئه‌مساڵدا عیراق بڕی حه‌وت ملیۆن و 322 هه‌زار به‌رمیل نه‌وتی ره‌وانه‌ی ئه‌مریكا كردووه‌.
به‌پێی راپۆرته‌كه‌ی ئیداره‌ی زانیاریی وزه‌ی ئه‌مریكی، له‌ مانگی تشرینی یه‌كه‌مدا به‌ تێكڕا رۆژانه‌ عیراق 236 هه‌زار به‌رمیل نه‌وتی ره‌وانه‌ی ئه‌مریكا كردووه‌.
ئاشكراشیكرد، له‌ مانگی رابردوودا به‌راورد به‌ مانگی ئه‌یلول هه‌نارده‌ی نه‌وتی عیراق بۆ وڵاته‌كه‌ به‌رزبووه‌ته‌وه‌.
له‌ ریزبه‌ندی ئه‌و وڵاتانه‌ی زۆرترین نه‌وت هه‌نارده‌ی ئه‌مریكا ده‌كه‌ن، عیراق پله‌ی چواره‌می له‌ دوای هه‌ر یه‌كه‌ له‌ كه‌نه‌دا و مه‌كسیك و سعودیه‌ گرتووه‌.