سه‌رۆكی هه‌رێم به‌شداری كۆنفرانسی نه‌ته‌وه‌ یه‌كگرتووه‌كان بۆ كه‌شوهه‌وا ده‌كات

كۆنفرانسی نه‌ته‌وه‌ یه‌كگرتوه‌كان بۆ گۆڕانی كه‌شوهه‌وا  به‌ به‌شداریی ژماره‌یه‌كی به‌رچاو له‌  سه‌ركرده‌كانی جیهان، له‌ شاری دوبه‌ی به‌ڕێوه‌چوو‌.           
       
ئیمارات سه‌رۆكایه‌تیی ئه‌م گه‌ره‌‌ی كۆنفرانسه‌كه‌ ده‌كات و پرسه‌كانی تایبه‌ت به‌ گۆڕانی كه‌شوهه‌وا و چۆنیه‌تیی ڕوبه‌ڕوبونه‌وه‌ی لێكه‌وته‌كانی و ڕۆڵی وڵاتان له‌ كه‌مكردنه‌وی مه‌ترسییه‌كانیدا، تاوتوێ ده‌كات.

مه‌به‌ست له‌ كۆنفرانسه‌كه‌ هۆشیاركردنه‌وه‌ی كۆمه‌ڵگه‌كانه‌ له‌ كاریگه‌رییه‌ نه‌رێنییه‌كانی گۆڕانی كه‌شوهه‌وا و دۆزینه‌وه‌ی چاره‌سه‌ر و چۆنییه‌تی ته‌رخانكردنی پاره‌ بۆ پرۆژه‌كانی رووبه‌ڕووبوونه‌وه‌ی گۆڕانی كه‌شوهه‌وا و كه‌مكردنه‌وه‌ی كاریگه‌رییه‌كانی لافاو، وشكه‌ساڵی، سووتانی دارستانه‌كان و كه‌مبوونه‌وه‌ی رووبه‌ری سه‌وزایی له‌ وڵاتان، به‌تایبه‌تیش وڵاتانی تازه‌گه‌شه‌كردوو.

هه‌ر له‌  كۆنفرانسه‌كه‌دا نێچیرڤان بارزانی سه‌رۆكی هه‌رێمی كوردستان  به‌شداربوو و ڕایگه‌یاند: ناكرێت له‌ گرنگی هه‌وڵی یه‌كگرتوو و هه‌ماهه‌نگی جیهانی بۆ پاراستنی هه‌ساره‌كه‌مان كه‌مبكرێته‌وه‌.