وەزارەتی ناوخۆی هه‌رێم بڕیارێكی دژ به‌ هاووڵاتییانی سوریا ده‌ركرد

وەزارەتی ناوخۆی هەرێمی کوردستان بڕیاری دا له‌ سه‌ره‌تای مانگی نیسانی 2024 ڤیزا بە هەڵگری پاسپۆرت و تاڤڵ دۆکیومێنتی سوری رابگیرێت.

وەزارەتی ناوخۆی هەرێمی کوردستان به‌ نوسراوێک کە ئاڕاستەی بەرێوەبەرایەتیی گشتیی رەگەزنامەی کردوە داوایكردووه‌:" لە رۆژی 29ی مانگی (ئازار/3)ی 2024 پێدانی ڤیزا بە هەڵگری پاسپۆرت و تاڤڵ دۆکیومێنتی سوری رابگیرێت، بەڵام ئەگەر ئه‌و هاوڵاتییە بەرەگەز سورییه‌ هەڵگری نیشنگەی ئەمریکا، کەنەدا، ئەوروپای هەبێت ئەوا بە مەبەستی گەشتوگوزار دەتوانن بۆ ماوەی 30 رۆژ ڤیزا وەربگرن."

روونشیكردووه‌ته‌وه‌:" ئەو گەشتیارانەی ڤیزایان هەیە و پێش رۆژی 29ی مانگی ئادار هاتونەتە هەرێمی کوردستان، ناتوانن ڤیزاکانیان بگۆڕن بۆ نشینگەو بەر لە تەواوبونی ماوەی ڤیزاکەیان دەبێت خاکی هەرێمی کوردستان جێبهێڵن."