ماتس هۆمێڵز بۆ وەرزێکى دیکەش لەگەڵ بوروسیا دۆرتمۆند بەردەوام دەبێت

لە دوو یاریی رابردووى یانەى بوروسیا دۆرتمۆند لە چامپیۆنس لیگى ئەوروپا، ماتس هۆمێڵز ئاستێکى نمونەى پێشکەش کرد، ئەمەش وایکرد بەرپرسانى یانەکە، گفتوگۆکانیان لەگەل بەرگریکارى یانەکەیان دەستپێکردوە تا بۆندەکەى نوێ بکەنەوە، فابریزۆ رۆمانۆ بڵاویکردۆتەوە: بەرپرسانى یانەکە دەیانەوێت بۆندى هۆمێڵزى تەمەن 35 ساڵان بۆ تەنها وەرزێکى دیکە نوێبکەنەوە، وە یاریزانەکەش بە شێوەى زارەکى قایل بوە بە داواکەى یانەکەى، ، فابریزۆ رۆمانۆ ئەوەشى بڵاوکردۆتەوە: سەرجەم گفتوگۆکان بە شێوازێکى ئەرێنی بەڕێوەچونە و ماتس هۆمێڵز بە بەڕێوەبەرى کارەکانى وتوە، سەرجەم رێکارە یاسییەکان لەگەڵ کارگێڕى یانەکە ئەنجام بدات.