رۆدریگۆ لەگەڵ ریاڵ مەدرید لە خۆشەویستىی یەک لایەنەدایە !

ئاى چەندە زەحمەتە  دەوروبەرت لێت تێنەگەن! چەندە بە ئازارە وەک و مۆم بتوێیتەوە و بۆ ڕووناکردنەوەى یانەکەت و گوێت پێ نەدەن! چەند بەسوێیە کاتێک قوربانى دەدەیت و دەتبینن بەڵام هەست بە ئازارەکەت ناکەن! ئەمە رێک باسى رۆدریگۆى بەرازیلى و هێرشبەرى یانەى ریاڵ مەدریدە ، رۆدریگۆ لە خۆشەویستیەکى قوڵدایە لەگەڵ یانەى ریاڵ مەدید بەڵام گوێى بۆناگرن ، خۆشەویستیەک چەشنى مەولانا بۆ شەمش ، خۆشەویستیەکى جوان و پاک چەشنى کازیوەى بەیان ، رۆدریگۆ ئاشقى یانە مەدریدیەکە و بەڵام لە خۆشەویستیەکى یەکلایەنەدایە ، پڕ بە دڵ دەیەوێت لە یانەى شاهانە بەردەوام بێت و خزمەتى ئەو یانەیە بکات کە هۆگرى بووە ، لەو یانەیە بژێت کە بۆدەمرێت ! بەڵام ئەوە دڵڕەقی و بێ باکی یانە ئیسپانیەکەیە بەرامبەر بە ردۆریگۆ .
رۆدریگۆ کوڕە بەنازەکەى ئەو دەمەى ئەنچیلۆتى ، یاریزانێکى خێراو تەکتیکى بوو هەمیشە لەکاتە هەستیارەکاندا دەبوو بە گۆچانە سیحراویەکەى دەستى ئەنچیلۆتى و دەبووە فریاد رەسى یانەکە .
ئێستا دۆخى رۆردیگۆ هیچ باش نیە و لە دۆخێکى قورسى دەورنیدایە ، چاپی ئەلۆنسۆ پشت بە هەموو مەدریدیەک دەبەستێت جگە لە رۆدریگۆ ، ئیدارەى یانەکەش پێیان ووتوە هیچ جێگایەک بۆتۆ نەماوە!
رۆدریگۆش هاوشێویەى دەروێشێک کە  هێشتا لە خەڵوەتدایە ، چەشنى خانەقایەکى پیرۆز لە سانتیاگۆ بێرنابیۆ دەڕوانێت ، سەربارى ئەوەى چەندین بۆندى لە یانە زلهێزەکانى وەک مانچێستەر سیتى و ئارسێناڵ و چێلسى و پاریس سانجیرمانەوە بۆ ئامادەکراوە بەڵام ئەستێرە بەرازیلیەکە هێشتا دڵى لەمەدریدە لەسەر ئەوەى لە ریزەکانى یانەى ریاڵ مەدرید بمێنێتەوە .
رۆدریگۆ دیلى کورسى یەدەک بوو لەجامى جیهانى یانەکان و تەنها لەیەک یاریدا بینرا ئەمەش یاریزانەکەى بەتەواوى نائومێدکردوە و لە دۆخێکى دەورنى خراپدایە .