تۆنى کرۆس : 10 ساڵى ریاڵ مەدرید هەرگیز لەبیرناکەم

تۆنى کرۆس : 10 ساڵى ریاڵ مەدرید هەرگیز لەبیرناکەم
ئاکۆ بیبانى
تۆنى کروسى ئەڵمانى و ئەندازیاى هێڵى ناوەندى یانەى ریاڵ مەدریدى ئیسپانى دواجار کۆتایی بەهەموو شتێک هێناو بە غەمگیینیەوە پێى وتین لە لوتکەى ئاست بەرزیدا دەستبەردارى تۆپى پێ پێ دەبم و کۆتایی بەو جیهانە دەهێنم کە زیاتر لە 10 ساڵە لە شەقەى باڵم داوە و بە جوڵەى سەرنج راکێش و پاساتی کورت و لێدانى کوشندەو رۆحیەتى بەرز و پێدانى سیحراوى لە نێو لاکێشەى سەوزدام ، یەکیتى تۆپى پێى ئەڵمانیا رایگەیاند تۆنى کروسى ئەڵمانى و وێنەکێش و ئەندازیار و مایسترۆ و مامۆستا و هونەرمەند و داینەمۆى تۆى پێ بڕیارى داوە دوای یارییەکانى یۆرۆى 2024 کە مانگى داهاتوو ئەنجام دەدرێت کۆتایی بە کاروانى پیشگەرى خۆى دەهێنێت و چیتر وەک یاریزانێکى چالاک بینەرى دیمەنەکانى یاریکردنى ئەو ئەستێرە ئەڵمانیە نابین ، دوای بڕیارەکەش هەمووان توشى شۆک بوون ئەستێرەکانى ریاڵ مەدرید سەرجەمیان بەداخن بۆ ئەو هەواڵە و هەموان لە پێگەى تایبەت بەخۆیان لە پلاتفۆرمەکانیان ستایشى تۆنى دەکەن و دەڵێن : نا تۆنى نا ، هێشتا پێویستمان پێیتە .
تۆنى خاوەنى کەسایەتیەکى کاریزماى تایبەت بەخۆى بوو ، هەمیشە ژمارەیەکى قورس و گوێ بۆ گیراو بووە ، لە کاروانى وەرزشى خۆیدا زۆر دەسکەوتى گرنگ و پڕ بایەخى بەدەستهێناوە ، لەسەرووى هەمویانەوە جامى جیهانى لەگەڵ ئەڵمانیا لە 2014 و  چەند جارێکیش چامپیۆنزلیگ لەگەڵ ریاڵ مەدرید .
تۆنى لە کاروانى وەرزشى خۆیدا 108 یارى بۆ هەڵبژاردەى ئەڵمانیا کردوە کردوە .
لەگەڵ یانەى ریاڵ مەدردیش تۆنى هیچ نەماوە بەدەستى نەهێنێ ، تۆنى کروس دەڵێـت : بەر لە دەساڵ و 17 ى تەموزى 2014 ، ئەو رۆژەى هەموو ژیانمى گۆڕى وەک یاریزانێک و مرۆڤێک ، ئەو دەمەى پێشکەش بە ریاڵ مەدرید کرام ، یانەیەک کە گەورەى هەموو جیهانە ، بەراستی هەستێکى ناوازە و لە بیرنەکراووبوو ، هەرگیز ئەو 10 ساڵە لەبیرناکەم ، بەڵام ئیدى گەشتم بە خاڵى کۆتایی ، سوپاستان دەکەم مەدریدێستا هەمیشە شانازیتان پێوەدەکەم وەک بەڵێنم پێتان داوە ، ریاڵ مەدرید دواین یانەى من بووەو دەبێت لە ئێستاشدا تەنها ئامانجم نازناوى 15 یەمینى چامپیۆنزلیگە .
پێرێزى سەرۆک بۆ وازهێنانى تۆنى کروس غەمبارە و بۆى دەنوسێت تۆکوڕى ریاڵ مەدریدى بۆ هەمیشە ئێرە ماڵى تۆیە ، پێشتریش زەینەدین زێدان دەربارى کروس وتویەتى : لە داهاتوودا بەشانازییەوە دەڵێم راھێنەرى تۆنى کرۆس بووم .
تۆنى لە کاروانى وەرزشى خۆیدا 463 یارى بە درێسى ریاڵ مەدریدەوە کردوەو 28 گۆڵى کردوەو 98 ئاسیستى هەیە و 22 جام و پاڵەوانێتیشى لەگەڵ یانەکە بردۆتەوە .