یانەی چێڵسی تواناکانی لیاوی دەوێت

لەدرێژەی ھەواڵەکانی مێرکاتۆ و لە زاری فابریزیۆ رۆمانۆی شارەزا لەبازاری گواستنەوەی یاریزانان  ,  یانەی چێڵسی ئینگلیزی خواستی خستۆتە سەر تواناکانی رافایل لیاوی پورتوگالی و ئەستێرەی یانەی ئەیسی میلانی ئیتاڵی , لەو پێناوەشدا تۆد پۆڵی سەرۆکی بلوز , دەستەیەکی لەئەندامانی ھونەری یانەکەی راسپاردووە تاکوو بەپەڕاوێکی 70 میلیۆن یۆرۆییەوە سەردانی ئیتاڵیا بکەن و لەگەڵ ئەنتۆنیۆ لیاوی باوک و بەڕێوبەری کارەکانی رافایل لیاو کۆببنەوە تاکوو رەزامەندی ئەستێرە پورتوگالیەکە وەربگرن و بیگوازنەوە پێکھاتەی بلوز , رافایل لیاو وەرزی رابردوو پەیوەندی کرد بەیانەی ئەیسی میلانەوە و توانی ئاستێکی باڵا پێشکەش بکات و لە 40 رکابەریدا 14 گۆڵ تۆماربکات و 14 ئەسیست جێبەجێ بکات.