وەزارەتی بازرگانیی عێراق داوا لە خاوەنی
سەمونخانە و نانەواخانەکان دەکات، بەرهەمی نیشتمانی و ئاردی سفری خۆماڵی لە جێگەی
ئاردی سفری هاوردەکراو بەکاربهێنن.
لەوبارەیەوە موحسن محەمەد، بەڕێوەبەری گشتیی
کۆمپانیایی بازرگانیی لە وەزارەتەکە رایگەیاند، داواکاریمان لە خاوەن سەمونخانە و
نانەواخانەکان ئەوەیە پشتگیری بەرهەمی خۆماڵی بکەن و پێشیان دەڵێین بەرهەمەکە لە
ئاستێکی زۆر باشدایە و زۆر لە ئاردی سفری هاوردەکراو باشترە.
موحسن محەمەد ئاماژەی بەوەشکردووە، بەرهەمەکە لە
دانەوێڵەی ناوخۆیی، بەپێی ستانداردی عێراقی و پشکنینی جۆرێتی دروستکراوە و دوورە
لە ماددەی کیمیایی و زیادکراو، کە هەندێک جۆری ئاردی هاوردەکراو ئەوانەی تێدایە، ئەمە
جگە لەوەی بەراورد بە ئاردی سفری هاوردەکراو بە نرخی کەمتر دەخرێتە بازاڕەوە.
Copyright © 2020 Kirkuk Tv All Rights Reserved Designed And Developed By AVESTA GROUP