هەموو ئەو شتانەی کە دەتەوێت بیزانیت دەربارەی کۆپا ئەمریکا ٢٠٢٤

هەموو ئەو شتانەی کە دەتەوێت بیزانیت دەربارەی کۆپا ئەمریکا ٢٠٢٤
ئاکۆ بیبانى

هاندەرانی تۆپی پێ لە جیهاندا بەگشتی و ئەمریکای لاتین بەتایبەتی چاوەڕوانى دەستپێکردنی پێشبڕکێکانی چل و هەشتەمین پاڵەوانێتی کۆپا ئەمریکا دەکەن کە سبەى  هەینى دەسپێدەکات کە یەکێکە لە کۆنترین پاڵەوانێتیەکانى تۆپى پێی جیهان .

هەرچەندە پاڵەوانێتییەکە لە ژێر ئاڵای یەکێتی تۆپی پێی ئەمریکای باشوور (CONMEBOL) بەڕێوەدەچێت، بەڵام چاپی ئێستا لە ئەمریکای باکوور، لە ویلایەتە یەکگرتووەکانی ئەمریکا، ئەنجام دەدرێت .

ئەمریکا بۆ جاری دووەم میوانداری پاڵەوانێتییەکە دەکات، دوای ئەوەی پێشتر لە ساڵی ٢٠١٦دا میوانداری خولی سەدەی کردبوو، کە هەڵبژاردەی شیلی لەسەر حیسابی ئەرژەنتین بووە پاڵەوان .
دواین پاڵەوانێتى کوبا ئەمریکاش لە ساڵى 2021 بەرێوەچوو کە تیایدا مێسى و هاوڕێکانى بوونە پاڵەوان .
بڕیار بوو کۆپا ئەمریکا بەپێی سیاسەتی خولانەوەی نێوان دە وڵاتی ئەندامی کۆنمێبۆڵ لە ئیکوادۆر بەڕێوەبچێت، بەڵام ئیکوادۆر ڕەتیکردەوە لە تشرینی دووەمی ٢٠٢٢ میوانداری پاڵەوانێتییەکە بکات، بۆیە پیرۆ و ئەمریکا ئارەزووی ڕێکخستنی کۆپا ئەمریکایان نیشاندا بۆ چاپی 2024.
16 تیپ بەشداری پاڵەوانێتی کۆپا ئەمریکا دەکەن، هەر دە تیپی ئەمریکای باشوور بەشداری دەکەن، ئەوانیش ئەرجەنتین پاڵەوانی دواین پاڵەوانێتى ، بەرازیل، ئۆرۆگوای، پاراگوای، شیلی، ئیکوادۆر، بۆلیڤیا، ڤەنزوێلا، پیرۆ، کۆڵۆمبیا.

هەروەها ئەو تیپانەی کیشوەری ئەمریکای باکوور ڕکابەری دەکەن کە بەهۆی ئەنجامەکانیان لە خولی نەتەوەکانی کۆنکاکاف بۆ وەرزی ٢٠٢٣/٢٠٢٤ کورسییەکانیان تەرخانکردووە، ئەوانیش مەکسیک، کەنەدا، پەنەما، جامایکا و کۆستاریکا.

هه رچه نده هه ڵبژارده ی ئه مریکا ڕێکخه ڕی پاڵه وانێتییه که یه ، به ڵام هه ڵبژارده ی         ئه مریکا ڕاسته وخۆ به شداری له کۆپا ئه مریکا نه کرد، به ڵکو کورسی خۆی له پاڵه وانێتییه که مسۆگه رکرد دوای ئه وه ی له قۆناغی چاره کی کۆتایی خولی نه ته وه کانی کۆنکاکاف به ئه نجامی 4-2 له ترینیداد و تۆباگۆی برده وه .

خولی ئێستای جامی ئەمریکا لە 14 یاریگا بەڕێوەدەچێت، هەڵبژاردەی ئەرجەنتین و کەنەدا لە یاریگای مێرسیدس بێنز لە ئەتلانتا پایتەختی جۆرجیا بەیەک دەگەن ، کە 71 هەزار هاندەر لەخۆ دەگرێت.
هەردوو هەڵبژاردەى ئەرژەنتین و ئۆراگوای زۆرترین جار بونەتە پاڵەوان کاتێک هەر یەکەو 15 جار نازناوەکەى دەستەبەرکردوە ، بەرازیلیش لە پلەى سێیەم دێت بە 9 نازناو .
کۆى گشتى خەڵاتە داراییەکانى پاڵەوانێتى کوپا ئەمریکا 72 ملیۆن دۆلارى ئەمرریکى ، هەر تیپێکى بەشداربوو دوو ملیۆن پاداشت وەردەگرێت ، پاڵەوانى پاڵەوانێـیەکەش 16 ملیۆن دۆلار دەچێتە  خەزێنەکەى ئەمە لەکاتێکدا خاوەن پلەى دووەم دەبێتە خاوەنى 7 ملیۆن ، پلەى سێیەم 5 ملیۆن و پلەى چوارەم 4 ملیۆن دۆلار وەردەگرێت .