دى رۆسی بووە راهێنەرى یانەى رۆما

دانیێلى دى رۆسی گەڕایەوە ئیتاڵیا و بۆندى لەگەڵ یانەى رۆما واژۆکرد و تا ساڵى 2027 راهێنەرى گورگەکانى پایتەخت دەبێت، ئیدارەى یانەى رۆما بۆندێکیان خستە بەردەم دى رۆسی تەمەن 40 ساڵان، تا بۆ ماوەى 3 ساڵ، ئەرکى مەشق دانەوەى یانەکە لە ئەستۆ بگرێت، لە ساڵەکانى 2001 تا 2019 دى رۆسی یاریزانى یانەکەى پایتەختى ئیتاڵیا بوە و 459 یاریی لەگەڵ گورگەکان ئەنجامداوە و توانیوێتى 43 گۆڵ تۆمار بکات.
ئامانجى یانە ئیتاڵیەکە گەڕانەوەیانە بۆ چامپیۆنس لیگ و بەدەستهێانى نازناوى جامە دوو گوێییەکەیە، هەروەها بڕى بۆندەکەش 10 ملیۆن یۆرۆیە.