لە تیروپشکى مۆندیال عیراق لە گروپێکى ئاساندایە

تیروپشکی قۆناغی کۆتایی پاڵاوتنەکانی ئاسیا بۆ مۆندیالی ٢٠٢٦ راکێشرا و هەڵبژاردەى عیراق لە گروپى دووەم یارى دەکات و  5  هەڵبژاردەی عەرەبی لە یەک کۆمەڵەدا جێگیرکران.
لە کوالا لامپوری پایتەختی مالیزیا، یەکێتی تۆپی پێی ئاسیا تیروپشکی بۆ قۆناغی کۆتایی پاڵاوتنەکانی ئەنجامدا .
کۆمەڵەی دووەم 5 هەڵبژاردەى عەرەبی لەخۆدەگرێت کە بریتین لە عێراق، ئوردن، عومان، فەلەستین، کوێت و ڕکابەری کۆریای باشوور دەکەن لە پێناو گەیشتن بە یارییەکانى جامى جیهانى  .
هەڵبژاردەی قەتەریش کە پاڵەوانی ئاسیایە، لە کۆمەڵەی یەکەمدا هات، هاوشانی ئێران و ئیمارات.
18  هەڵبژاردە  سەرکەوتوون بۆ قۆناغی کۆتایی و  دابەشکراوون بەسەر 3 گروپدا، هەر کۆمەڵەیەک 6 هەڵبژاردە لە خۆدەگرێت.
قۆناخی کۆتایی پاڵاوتنەکان لە نێوان ئەیلوولی ٢٠٢٤ تا حوزەیرانی ٢٠٢٥ بەڕێوەدەچێت، کیشوەری ئاسیا خاوەنی ٨ کورسی ڕاستەوخۆی مۆندیالە کە بڕیارە لە ئەمریکا و کەنەدا و مەکسیک بەڕێوەبچێت، ئەمە جگە لە کورسییەکی پلەی ئۆف.