رۆژنامەی وۆڵ ستریت جۆرناڵی ئەمەریکی
بڵاویکردوەتەوە، بۆ گەیشتن بە رێككەوتنی ئاگر بەست لە كەرتی غەززە، جۆ بایدن،
سەرۆکی ویلایەتە یەکگرتوەکانی ئەمەریکا فشاری خستوەتە سەر بنیامین ناتانیاهۆ،
سەرۆکوەزیرانی ئیسرائیل.
ئاشکراشیکرد: لەپەیوەندییەکی تەلەفۆنیدا کە
دوێنێ بایدن بە ناتانیاهۆی راگەیاندوە: کاتی رزگارکردنی ژیانی زیندانییەکان هاتوە
کە لەلایەن بزوتنەوەی حەماسەوە دەستبەسەرکراون.
بەرپرسێکی باڵای ئەمەریکی كە نەیویست بوو ناوی
ئاشكرانەكرێت بەرۆژنامەكەی راگەیاندوە: پێشنیارەكەی بزوتنەوەی حەماس كە بۆ
ئاگربەست پێشکەشی کردوە دەرفەتێكی راستەقینەیە بۆ گەیشتن بە رێككەوتن.
وتوشیەتی: دەتوانرێت لەوچوارچێوەی ئەو پێشنارەی
بزوتنەوەی حەماسدا ئاڵوگۆڕی دیلەكان بكرێت، ئەوەش پێشکەوتنێكی بەرچاوە.
لای خۆشیەوە نوسینگەی سەرۆکی رایگەیاند: لە
پەیوەندییە تەلەفۆنییەكەدا بنیامین ناتانیاهۆ، سەرۆک وەزیرانی ئیسرائیل، جۆ بایدن،
سەرۆکی ئەمەریکای دڵنیاكردوەتەوە کە بۆ گفتوگۆكردن لەگەڵ بزوتنەوەی حەماس،
ئیسرائیل شاندێکی دانوستان بۆ دۆحە بنێرێت.
Copyright © 2020 Kirkuk Tv All Rights Reserved Designed And Developed By AVESTA GROUP