ڤینسێنت کۆشتێل، نێردەی تایبەتی UNHCR بۆ دۆخی رۆژهەڵات و
کەناراوەکانی دەریای ناوەڕاست رایگەیاند، زانیارییان هەیە بەشێک لە کۆچبەران
لەکاتی کۆچکردنیان بەناو ئەفریقادا ئەندامانی جەستەیان دەدزرێت.
کۆشتێل ئاماژەی بەوەشکردووە، بەگوێرەی
لێکۆڵینەوەکانیان دەرکەوتووە، بەشێکی زۆر لەو کۆچبەر و ئاوارانەی دەیانەوێت لە
ئەفریقاوە بەرەو کەناراوەکانی دەریای ناوەڕاست بڕۆن رووبەڕووی توندوتیژیی و هەراسانکردن
و دەستدرێژی سێکسی و چەندین جۆری دیکەی سزادان دەبنەوە و ژمارەیەک خەڵک ئەو کارە دەکەن بۆ ئەوەی بە
سەلامەت بمێننەوە و پارەی رێگەکەیان نەدەن.
راشیگەیاندووە، بەشێک لەو کەسانەی ئەندامانی
جەستەیان دەدزرێن بەهۆیەوە گیانلەدەستدەدەن و تەرمەکانیشیان ناگەڕێنرێنەوە.
بەگوێرەی راپۆرتی رێکخراوی کۆچی نێودەوڵەتی، لە نۆ
مانگی یەکەمی ساڵی رابردوو 213 هەزار و 896 کەس لە ئەفریقاوە چوونەتە ئەورووپا،
ئەمەش لەکاتێکدایە لە هەمان ماوەدا 342 هەزار و 233 کۆچبەر و پێرار 438 هەزار و
487 کەس چووبوونە وڵاتانی ئەورووپا.
Copyright © 2020 Kirkuk Tv All Rights Reserved Designed And Developed By AVESTA GROUP