رۆدریگۆ دوچارى پێکانی سەخت هات و یاریگاى بەجێھێشت

یەکێک لە یاریزانە دیار و کاریگەرەکانى یانەى ڕیاڵ مەدریدى ئیسپانى لە کاتی بەشداریکردنی لە پاڵەوانێتی کۆپا ئەمریکا ٢٠٢٤ تووشی پێکانێکی سەخت بوو
بە پێی  هەواڵێک کە ڕۆژنامەی “ AS ”ی ئیسپانی بڵاویکردۆتەوە، ڕۆدریگۆ گۆسی بەڕازیلی و هێرشبەرى یانەى شاهانە دوای ئەوەی تووشی پێکدادانێکى زۆر توندوتیژ بوو لەلایەن ناهیتان ناندێزى یاریزانى هەڵبژاردەى ئۆراگوای ، ناچار بوو داوای گۆڕانکاری بکات ،  دواتر بە دووبارەکردنەوەى حاڵتەکە بە یارمەتى VAR کارتی سووری ڕاستەوخۆ بەڕووى یاریزانەکە بەرزکرایەوە.
ڕۆدریگۆ داوای لە ڕاهێنەرى بەرازیل کرد یاریگا بەجێبهێڵێت  ، بەهۆى ئەوەى بەرگەی ئازارەکانی نەگرت.
ڕۆدریگۆ لە کورسی یەدەگەوە بە پارچە بەفرێکەوە لەسەر پاژنەی پێیەوە،  سەیری لێدانی سزا یەکلاکەرەوەی دەکرد.
ڕۆدریگۆ بۆ ئەنجامدانی پشکنینی سەرەتایی چووە ژووری جلگۆڕین و دەرکەوت کە بێزار و بێهیوا بووە لە کرانە دەرەوەى هەڵبژاردەی بەڕازیل.
تاکو ئێستا هیچ راپۆرتێکى پزیشکى پشت راستکراو نیە بۆ ماوەى دوورکەوتنەوەى هێرشبەرە بەرازیلیەکە .