تۆماس مۆلەر وازهێنانى لە یاریی نێودەوڵەتى راگەیاند

تۆماس مۆلەرى ئەڵمانى، بە شێوەیەکى رەسمى وازهێنانى خۆى لە یاریکردنى نێودەوڵەتى راگەیاند، تۆماس مۆلەر لە تەمەنى 34 ساڵى و لە کاتێکدا، کە هەڵبژاردەى ئەڵمانیا، ماڵئاواى لە یۆرۆى 2024 کرد، وازهێنانى یەکجارەکى خۆى بڵاوکردەوە، یاریزانەکە لە تەواوى ئاستە تەمەنیەکانى هەڵبژاردەى نیشتیمانى وڵاتەکەى یاریی کردوە و لە ساڵى 2010ـەوە لە هەڵبژاردەى یەکەمى ئەڵمانیا دەرکەوتوە، لە ماوەى ئەو 14 ساڵەشدا، 126 یاریی ئەنجامداوە و 45 گۆڵیشى تۆمار کردوە، مۆلەر توانیوێتى لەگەڵ هەڵبژاردەى ئەڵمانیا، نازناوى جامى جیهانى بەدەست بهێنێت، جگە لە چەندین دەسکەوتى تاکە کەسى.