دەزگای ئاسایشی نیشتمانی عێراق رایگەیاند، کەسێکیان دەستگیرکردووە لەنێوان هەرێمی کوردستان و بەغدا بازرگانی بەمادەی هۆشبەر کردووە.
دەزگای ئاسایشی نیشتمانی عێراق لەراگەیەنراوێکدا دەڵێت، کەسێکیان دەستگیرکردووە کەخۆی بەعەقید ناساندووەو لەنێوان هەرێمی کوردستان و بەغدا جۆرە دەرزییەکی گواستووەتەوە، کە بۆ دروستکردنی مادەی هۆشبەر بەکاردەهێنرێت.
لەراگەیەنراوەکەدا ئەوەش هاتووە، تۆمەتبارەکەیان لەبۆسەیەکدا لەدەوروبەری بەغدا دەستگیرکردووە، کە بەجلوبەرگی سەربازی و بەپلەی عەقید خۆی ناساندووەو، تاوەکو گومانەکان لەسەر خۆی دووربخاتەوە.
هاوکات ئەو کەسەی دەستگیرکراوە، 31 دەرزی لەهەرێمی کوردستانەوە بۆ بەغدا گواستووەتەوە کە بۆ دروستکردنی مادەی هۆشبەر بەکاردەهێنرێت.
Copyright © 2020 Kirkuk Tv All Rights Reserved Designed And Developed By AVESTA GROUP