پاریس جێگرەوەکانى ئیمپاپێ دیاریدەکات

پاریس جێگرەوەکانى ئیمپاپێ دیاریدەکات
ئاکۆ بیبانى
یانەى پاریس سانجێرمان لە بۆشاییەکى گەورەى هێلى هێرشبەریدایە و هەموو ۆێگاکان دەگرێتە بەر تاکو لەم مێرکاتۆیەدا یاریزانێکى کاریگەر و شایستە بگوازیتەوە بۆ ریزەکانى لە پێناو پڕکردنەوەى ئەو کەلێنەى کە کیلیان ئیمپاپێ لە هێڵى هێرشبەرى دروستیکردوە ، ئیدارەى یانەکە دەزانن بۆشاییەکەى ئاسکە رەشەکە هێندە زۆرە هیچ یاریزانێک بە ئاسانى ناتوانێت ئەو رۆلە بگێرێت کە لە رابردوودا یاریزانە فەرەنسییەکە لە خول و پاڵەوانێتیە ناوخۆیی و دەرەکەییەکان بۆ یانەکە ئەنجامى داوە ، بەڵام لویس ئینریکى راهێنەرى یانەى پاریس یانجێرمان لەگەڵ لویس کامپۆسى راوێژکارى وەرزشى یانەکە لە گفتوگۆى چڕدان بەدوای ئەو هێرشبەرەدا دەگەڕێن کە سیفاتەکانى کیلیانى تێدابێت .
لە ئێستا لەنێو ئیدارەى یانە فەرەنسییەکە سێ گریمانە سەریهەڵداوە بۆ پرکردنەوەى جێگاکەى ئمپاپێ کە پێویستە بەزوترین کات بڕیار لەسەر یەکێک لەو سێ هێرشبەرەبدەن کە پێویستە لە نێو یاریگادا سیفاتى سەرکردەى تێدابێت وکاریزمایەکى گەورەى هەبێت لە لاکێشەى سەوزدایە .
ڕۆژنامەی لیکیپی فەرەنسی بڵاویکردووەتەوە ، ئەولەوییەتی ئینریکی و لویس کامپۆس هێرشبەرێکى خێراو گۆڵکارە ، ئاماژەی بەوەشکردووە، ئێنریکی دەیەوێت یاریزانێکی باڵی هێرشبەری لەخۆبگرێت کە لە یاریگادا یەکلاکەرەوە و کاریزما بێت.
ئاماژەی بەوەشکرد، ئەو سێ یاریزانە، جادۆن سانچۆ، یاریزانی مانچێستەر یونایتدو  کڤاراتسخیلیا یاریزانی ناپۆلی و هەڵبژاردەی جۆرجیا و نیکۆ ویلیامز، یاریزانی ئەتلەتیک بلباو و هەڵبژاردەی ئیسپانیایە کەلە ئێستادا لەژێر چاودێری چڕی ئیدارەی پاریسدان.
یانە پاریسییەکە لەمێرکاتۆى هاوینەدا پێشبڕکێ لەگەڵ کات دەکات بۆ قەرەبووکردنەوەی ڕۆیشتنی کیلیان ئمباپێ، کە گرێبەستەکەی تا هاوینی ٢٠٢٩ لەگەڵ ڕیاڵ مەدرید واژۆکرد، دوای ئەوەی گرێبەستەکەی لەگەڵ پاریس سانجێرمان لە ٣٠ی حوزەیران کۆتایی هات.
پاریس سانجێرمان دەیەوێت رۆیشتنى کیلیان کاریگەرییەکى ئەوتۆ لەسەر ریزەکانى یانەکە بەجێنەهێڵێت هەربۆیە وابیردەکەنەوە کە هێرشبەرێکى گۆڵکار و خاوەن بەهرە هۆکار دەبێت بۆ ئەوەى پاریس سانجێرمان لەسەر هێڵى سەرکەوتنەکان لانەدات .