ئارسێناڵ بۆندى لەگەڵ یاریزانێکى ئیتاڵى واژۆ کرد

روو دەکەینە هەواڵی یاریزانان و لەنوێترین دەنگو باسیشدا یانەی ئارسێناڵی ئینگلیزی دواجار گریبەستی ریکاردۆ کالافیۆری ئیتاڵی و یاریزانی پیشووی یانەی بۆڵۆنیایی راگەیاند.
دوای پیشکەش کردنی ئاستێکی بەرز لە یارییەکانی یۆرۆی ٢٠٢٤، ریکاردۆ کالافیۆری یاریزانی دڵی بەرگری ئیتاڵیا سەرنجی چەندین یانەی گەورەی بەلای خۆیدا راکێشا و یانەی ئارسێناڵی ئینگلیزیش هەر زوو هەوڵەکانی بۆ گواستنەوەی ناوبراو دەست پێ کرد، تاوەکو لە کۆتایدا توانی بەبڕی ٤٠ ملیۆن یۆرۆ و بۆ ماوەی پێنج وەرز ئەستێرەکە بگوازێتەوە نێو ریزەکانی.
کالافیۆری لەگەڵ یانەی بۆلۆنیا ٣٠ یاری ئەنجام داوە و توانێوێتی پێگەی خۆی لەیانەکە بەهێز بکات, لەم بارەیەشەوە میگێل ئارتێتای راهێنەری یانە ئینگلیزیەکە رایگەیاند: یانەی ئارسیناڵ بۆ وەرزی نوێ ئامادەکاریەکانی دەست پێ دەکات و پەیوەندیکردنی یاریزانێکی ئاوا گەورە بۆ ریزەکانمان جێگای دڵخۆشیە و وا دەکات وەرزی نوێ بە باشترین شێوە دەر بکەوین.