مێرکاتۆى هاوینە .. لۆکاکۆ ئامادەى خۆى دەربڕیوە پەیوەندى بە یانەى ناپۆلیەوە بکات

تا دێت بازاڕى گواستنەوەى هاوینە گرەمتر دەبێت، یانەکان هەوڵ بۆ گواستنەوەى یاریزانى ئاست بەرز و لاو دەدەن، یاریزانەکانیش دەیانەوێت روو لەو یانانە بکەن، کە خاوەن پێگە و مێژوون لەسەر ئاستى ئەوروپا، لە نوێترین هەواڵدا، کە پێگەى سکاى سپۆرت بڵاویکردۆتەوە: رۆمێلۆ لۆکاکۆ قایل بوە بەوەى پەیوەندى بە ریزەکانى یانەى ناپۆلى ئیتاڵیەوە بکات، بۆیە لە ئێستادا لە رێى بەڕێوەبەرى کارەکانیەوە، دەیەوێت گفتوگۆ لەگەڵ بەرپرسانى یانە ئیتاڵیەکە ئەنجام بدات.
سەرچاوەى هەواڵەکە ئاماژەى بەوەش کردوە: لۆکاکۆ ئامادەى خۆى دەربڕیوە لە بەشێکى مووچەکەى خۆش بێت، هەروەها بۆندەکەشى بۆ ماوەى 3 ساڵ بێت، بەڵام تا ئێستا هیچ وەڵامێک سەبارەت بە ماوەى بۆندەکەى، لە لایەن ئیدارەى یانە ئیتاڵیەکەوە نەبوە.