لوبنان: ئیسرائیل بەدوای شەڕێکی ناوچه‌ییدا دەگەڕێت

هادی هاشم، نوێنەری لوبنان لە كۆبونه‌وه‌ی بەپەلەی ئەنجومەنی ئاسایشی نەتەوە یەکگرتوەکاندا رایگه‌یاند: ئیسرائیل هەوڵدەدات ناوچەکە بەرەو شەڕێکی هەرێمی ڕابکێشێت، کە ئەنجامێکی وێرانکەری هەیە، بەتایبەتی لە دوای ئەوەی لەم چەند ڕۆژەی پێشودا، ئیسرائیل فوئاد شوکر، سەرکردەیەکی حزبوڵای لوبنانی و دواتریش ئیسماعیل هەنییە، لێپرسراوى مەکتەبی سیاسی بزوتنەوەی حەماس تیرۆر كرد.
ئەو نوێنەرە لە وەڵامی ڕاگەیاندراوەکەی بنیامین نەتەنیاهۆ، سەرۆک وەزیرانی ئیسرائیل سەبارەت بە ڕوداوی مەجدل شەمس، سەرسوڕمانی خۆی دەربڕی بەرامبەر بەو بەراوردکردنەی کە بکوژی هەزاران منداڵ لە غەززە بە منداڵانی مەجدل شەمس دەیکات.
ڕۆژی سێشەممە سوپای ئیسرائیل هێرشی کردە سەر ناوچەیەکی نیشتەجێبونی بەیروت، لە ئەنجامدا فوئاد شوکر، سەرکردەی حزبوڵای لوبنانی تیرۆرکرد و چوار کەسی دیكه‌ش کوژراون و نزیکەی 80 کەسیش برینداربون.