ئیسرائیل كوشتنی سه‌ركرده‌یه‌كی دیاری دیكه‌ی حه‌ماس ـ ی راگه‌یاند

ئیسرائیل كوشتنی سه‌ركرده‌یه‌كی دیاری دیكه‌ی حه‌ماس ـ ی راگه‌یاند

ئه‌مڕۆ دوشەممە 5 ی ئابی 2024 سوپای ئیسرائیل کوشتنی سەرکردەیەکی دیاری دیکەی بزوتنەوەی حەماس ـ ی لە کەرتی غەززە ڕاگەیاند.

له‌ راگه‌یه‌ندراوێكدا سوپای ئیسرائیل رایگه‌یاندووه‌ " ڕۆژی یەکشەممە له‌ هێرشێكي ئاسمانيدا عەبدولفەتاح ئه‌لزرێعی، وەزیری ئابووری حەماس ـ مان كوشت"

 به‌پێی راگه‌یه‌ندراوه‌كه‌ی سوپای ئیسرائیل:" ئه‌لزرێعی به‌رپرس بووه‌ لە بەشی پیشه‌سازیی باڵی سەربازیی بزوتنەوەی حەماس"
 
 كوشتنی ئه‌و سه‌ركرده‌ دیاره‌ی حه‌ماس له‌كاتێكدایه‌، كۆتایی مانگی رابردوو، ئیسماعیل هه‌نییە، سه‌رۆكی مه‌كته‌بی سیاسی بزوتنەوەی حەماس، لە هێرشێکدا لە تاران كوژرا كه‌ بۆ مه‌راسیمی سوێندخواردنی مەسعود پزیشکیان، سەرۆک کۆماری ئێران سه‌ردانی ئه‌و وڵاته‌ی كردبو.

هه‌رچه‌نده‌ تا ئێستا به‌ ئاشكراو به‌ راشكاوی ئیسرائیل بەرپرسیارییەتی کوشتنی هەنیەی له‌ئەستۆنه‌گرتووه‌،به‌ڵام ئێران و حه‌ماس ته‌لئه‌بیب به‌و هێرشه‌ تۆمه‌تبار ده‌كه‌ن و  به‌ڵێنی تۆڵه‌كردنه‌وه‌ ده‌ده‌ن.

به‌پێی راگه‌یاندنه‌كانی لایه‌نه‌ په‌یوه‌ندیداره‌كان حه‌ماس، ئیسرائیل هێرشەکانی بۆ سەر کەرتی غەززە چڕتر كردوه‌ته‌وه‌و به‌هۆیه‌وه‌ ژمارەی کوژراوان له‌ گه‌یشتووه‌ته‌ نزیکەی 40 هەزار کەس.