کامالا هاریس بەرەسمی وەک کاندیدی دیموکراتەکان بۆ هەڵبژاردنی سەرۆکایەتیی ئەمریکا دیاریکرا

کامالا هاریس جێگری سەرۆکی ئەمریکا بەزۆرینەی دەنگی نوێنەرانی پارتەکەی، بووە کاندیدی رەسمی دیموکراتەکان بۆ هەڵبژاردنی سەرۆکایەتیی ئەمریکا.
ماوەی پێنج رۆژە، نوێنەرانی پارتی دیموکراتی ئەمریکا بۆ کۆنگرەی نیشتمانی لەڕێگای ئۆنلاینەوە تاوتوێی کاندیدی سەرەکی پارتەکەیان بۆ هەڵبژاردنی سەرۆکایەتی دەکەن و ئەمڕۆ بەدەنگی 99%ـی ئەندامان کامالا هاریس وەک کاندیدی سەرەکی دیاریکرا.
ئەم سەرکەوتنەی هاریسی تەمەن 60 ساڵ دوای ئەوە دێت چوار ساڵ بەر لەئێستا لەهەوڵێکی دیکەی کاندیدبوون شکستیهێنا، بەوەش بووە یەکەم ژنی رەشپێست کە بچێتە رکابەریی هەڵبژاردنی سەرۆکایەتی ئەمریکاوە.
بەوپێیەی جێگری جۆ بایدنی سەرۆکی ئەمریکایەو بۆ یەکەمجاریش لەلایەن ئەوەوە پێشنیازکرا، پێناچێت جیاوازییەکی گەورە لە بانگەشەکانی هاریس و بایدندا هەبێت،  پێشتریش هاریس رایگەیاندبوو لەبابەتەکانی پەیوەندیدار بە توندوتیژیی چەک، دیموکراسی و مافی لەباربردنی منداڵ هەمان سیاسەتی بایدن پەیڕەو دەکات.