سەرۆکی ئەمریکا لەبارەی هەڵوێستی ترەمپ بەرامبەر
بە ئەنجامی هەڵبژاردنەکان هۆشداریدەدات و دەڵێت: ئەگەر بدۆڕێت دڵنیا نیم لەوەی کە
دەستاودەستکردنی ئاشتیانەی دەسەڵات رووبدات
جۆ بایدن لە چاوپێکەوتنێکیدا لەگەڵ کەناڵی CBSسی بی ئێسی ئەمریکی رایگەیاند، ئەگەر دۆناڵد
ترەمپ لە هەڵبژاردندا بدۆڕێت دڵنیا نیم لەوەی کە دەستاودەستکردنی ئاشتیانەی
دەسەڵات رووبدات.
هەروەها راشیگەیاند، دۆناڵد ترەمپ کاتێک ئەمریکای
خۆشدەوێت کە لە هەڵبژاردندا سەربکەوێت وەک چۆن بەردەوام لە بانگەشەی هەڵبژاردندا
دەڵێت ئەگەر من سەرنەکەوم ئەمریکا دەبێت بە گۆمی خوێن.
سەرۆکی ئەمریکا وتیشی: هەرچەندە قسەکانی ترەمپ
لای ئێمە بایەخی نییە بەڵام ئەو رژدە لەسەر جێبەجێکردنی ئەو شتانەی کە دەیڵێت.
Copyright © 2020 Kirkuk Tv All Rights Reserved Designed And Developed By AVESTA GROUP