حوسییەكانی یەمەن لە دەریای سور هێرشیانكردە سەر
كەشتییەك و دوو فڕۆكەی سەربازیی ئەمەریكا، وتەبێژەكەشیان دەڵێت: هەموو جوڵەیەكی
سەربازیی بە دوژمنكارانە دەزانن.
فەریق یەحیا سەریع، وتەبێژی هێزە چەکدارەکانی
یەمەنی سەر بە حوسییەکان، رایگەیاند: لەوەڵامی دەستدرێژییەكانی ئەمەریكاو
بەریتانیا بۆ سەر یەمەن، هێزە چەكدارەكانی یەمەن بە موشەكی بالیستی و فڕۆكەی
بێفڕۆكەوان ئۆپراسیۆنێكیان ئەنجامداو
توانیویانە كەشتی (Contship Ono) لە
دەریای سوردا بەئامانج بگرن.
وتەبێژی حوسییەكان رونیكردەوە: هێزه دەریاییەكانی
یەمەن بەژمارەیەك موشەکی بالیستیکی کەشتی تێکشکێنەری (لابون)ـی ئەمەرریكییان
بەئامانج گرتوەو تێكیانشكاندوە، لەگەڵ تێكشكاندنی دوو فڕۆكەی ئەمەریكی كە سنوری ناوچەی ئۆپراسیۆنەكانی سوپای یەمەنیان بەزاندوە.
فەریق یەحیا سەریع، ئاماژەی بەوەشکرد، هێزە
چەکدارەکانی یەمەن، جموجۆڵە سەربازییەکانی ئەمەریکا لە دەریاییەکانی نزیك ئەو
وڵاتەو بە داکۆکی لە ئیسرائیل بەكارێكی دوژمنکارانە دەزانێت و بەبێ دودڵی هێرش
دەكاتەسەریان.
Copyright © 2020 Kirkuk Tv All Rights Reserved Designed And Developed By AVESTA GROUP