یۆئاڤ گالانت، وەزیری بەرگریی ئیسرائیل، لەرێگەی تەلەفۆنەوە لەگەڵ لۆید ئۆستین، هاوتا ئەمریکییەکەی، قسەیکردووەو ئاگاداریکردووەتەوە کە ئامادەکارییە سەربازییەکانی ئێران ئاماژەن بۆ ئەوەی تاران خۆی ئامادە دەکات بۆ ئەنجامدانی هێرشێکی بەرفراوان بۆ سەر ئیسرائیل.
ماڵپەڕی ئاکسیۆس پێشتر بەپشتبەستن بەسەرچاوەکان ئاشکرایکردبوو، دەزگا هەواڵگرییەکانی ئیسرائیل پێیانوایە ئێران بڕیاریداوە راستەوخۆ پێش رێکەوتی کۆبوونەوەی نێوەندگیرییەکان لەبارەی ئاگربەست لە 15ـی ئاب هێرش بکاتەسەر ئیسرائیل.
لەم چوارچێوەیەشدا ئیسرائیل رایگەیاندووە، خەمڵاندنەکانی دەزگا ئەمنییەکان ئاماژە بەوە دەکەن کە ئێران گورزێکی توندتر لە هێرشەکەی مانگی نیسانی رابردوو دەدات.
لەبەرامبەردا، یۆئاڤ گالانت هۆشداری دایە ئێران و حیزبوڵا کە وەڵامێکی هێندە توندیان دەدەنەوە پێشتر وێنەی نەبووە، داواشی لێکردن لە بڕیارەکانیان لەبارەی شێوازی هێرشکردنە سەر وڵاتەکەی پاشگەزببنەوە.
Copyright © 2020 Kirkuk Tv All Rights Reserved Designed And Developed By AVESTA GROUP