حەماس بە مووشەک هێرشی کردە سەر تەلئەبیب

بزووتنەوەی حەماس دەڵێت، بەمووشەک هێرشیان کردووەتەسەر تەلئەبیب و سوپای ئیسرائیلیش دەڵێت هێرشەکە زیانی نەبووە. 

کەتیبەی قەسام باڵی چەکداریی بزووتنەوەی حەماس رایگەیاند، بە دوو مووشەکی جۆری ئێم 90 هێرشمان کردەسەر تەلئەبیب و دەوروبەری، سوپای ئیسرائیلش لەبارەی هێرشەکەوە دەڵێت، تێبینیی مووشەکێکیان کرد لەکەرتی غەززەوە هات و کەوتە نێو دەریا، مووشەکەکەی دیکەش لەنێو سنووری غەززە کەوتە خوارەوەو هیچ زیانێکی گیانی نەبووە. 

ئەمە یەکەم هێرشی مووشەکیی حەماسە بۆ سەر ئیسرائیل لە 26ـی ئایارەوە. ئەوکات سوپای ئیسرائیل بڵاویکردەوە، حەماس "هێرشێکی گەورەی مووشەکی" کردەسەر تەلئەبیب و زۆربەیان لەرێگەی سیستمی بەرگرییەوە خرانەخوارەوە.